1. Samuel 6:11 - O Debleskro Lab 2024 (Sinte-Manouche)

¹¹ Oun ko morhton, kay o Debleskre deesh laba dren hi, čivan le ap ko vourdin. Oun koy pashel čivan le ko tikno morhton, kay kol sonakangre kermuse dren hi oun kol figure, hoy vi-dikenn har o doukepen.

O Debleskro Drom 2021 (Sinte)

¹¹ Un ko mochton, kai o Debleskre deesh laba dren hi, tchiwan le ap ko wurdin. Un koi pashel tchiwan le ko tikno mochton, kai kol sonakangre kermuse dren hi un kol figure, hoi wi-dikenn har o dukepen.

1. Samuel 6:11 Iomraidhean Croise

2. Samuel 6:3

Yon lan ko morhton dran o kheer, kay o Abinadab djivas. Ko kheer his ap i tikni berga. Oun čivan o morhton ap i nevo vourdin. O Abinadabeskre čave, o Ouza oun o Ahio, djan o vourdineha,

1. Familjakro liil 13:7

Oun yon moukan ko morhton ap i nevo vourdin dran o kheer te anell, kay o Abinadab djivell. Oun o Ouza oun leskro phraal djan o vourdineha oun dan ap leste yak.

5. Mose 28:27

O baro Devel bičrell t'men savo nasslepen, hoy lo glan i rah tsiro i Egiptaryen das: I djoungelo nasslepen vell ap t'maro mass, doukepen phagell pre, oun t'maro mass rhačell oun rhandjrell. Oun kek drab hi koy, hoy nay krell t'men sasto.

1. Samuel 6:10

Oun kol morsha kran kova yaake. Yon lan douy groumya, kolen terne hi, kay gomme ap lende piyenn. Oun pandan len glan o vourdin. Oun i groumyengre ternen pandan le khere dren.

1. Samuel 6:12

Oun kol groumya djan ap ko drom an Bet-Shemesh, oun ačan ap ko drom, oun djan gar čačes vitar gar serves. Har djan le yaake, dan le gole, oun moukan gar tele te denn le gole. Oun kol raya pral i Filistarya djan pal lende, bis te van le an o them, kay Bet-Shemesh čiddo hi.

1. Samuel 6:4

Oun yon poučan: “Hoy hi kova hoy mer hounte das leste, te vell lauter pale mishto?” Yon penan: “Panč raya hi an o them Filistia. Len oun t'men hi o emligo nasslepen. Doleske krenn panč sonakangre figure, hoy vin dikenn har o doukepen, hoy ap t'maro mass vas, ninna panč sonakangre figure, hoy vin dikenn har kol kermuse, kay rhan t'maro them pre. Denn kolen o Israeleskro Debleste. Yaake sikrenn t'mer leste, te djinenn, har baro yob hi. Nay vell, te lell lo peskro vast t'mendar pale, ninna t'mare deblendar oun t'maro themestar.