1. Samuel 5:6 - O Debleskro Lab 2024 (Sinte-Manouche)

⁶ Oun o baro Debleskro vast čivas pes phares ap i menshende an Ashdod oun anas bibarht ap lende. I djoungelo nasslepen vas ap kolende, kay djivan an Ashdod oun an i gaba trouyel.

O Debleskro Drom 2021 (Sinte)

⁶ Un o baro Debleskro wast tchiwas pes phares ap i menshende an Ashdod un anas bibacht ap lende. I djungelo nasslepen was ap kolende, kai djiwan an Ashdod un an i gaba trujel.

1. Samuel 5:6 Iomraidhean Croise

1. Mose 41:31

Lauter bistrenn ko tsiro, kay boud rhapen koy his. Yaake baro vell i bok koy pal.

Hiob 31:3

Pral i čilačo vell bibarht, oun koleske, kay krell djoungelo koova, djal či mishto.

Debleskri gili 145:20

Kolla, kay les o djiyestar kamenna, pral kolende rikrell lo peskre vasta. Kolla, kay čilačo koova krenna, moukell lo te merell.

Debleskri gili 147:6

O baro Devel hadell kolen pre, kay tele rikedo hi, oun i čilačen vitsrell lo tele ap i phoub.

Debleskri gili 32:4

Miro Devel, dives oun rati his tiro vast phares ap mande čiddo, oun miri djipaskri zoor djas yaake peske mandar, har o zenlepen peskri zoor nashrella an o tato niyal.

Debleskri gili 78:66

Oun yob das kolen, kay kouran pen peskre menshentsa oun tradas len pale. Lengri ladj ačas hako tsireske ap lende.

2. Mose 9:3

palle dikeh tou, te vell o baro Debleskro vast pral tire firhende: pral tire graya, tire bourike, tire khamele, tire groumya oun tire bakre oun bouzya. Yek baro nasslepen vell ap lende.

Bičepangre 13:11

Kanna dikeh tou, har o ray Yezous touke i phagi della. Tou veh korelo, oun dikeh i tsiro o kham bouder gar.” Ap yek kopo vas lauter tamlo glan leskre yaka. Oun yob djas trouyel, te nay rodell lo yekes, kay lell les pash o vast.

5. Mose 28:27

O baro Devel bičrell t'men savo nasslepen, hoy lo glan i rah tsiro i Egiptaryen das: I djoungelo nasslepen vell ap t'maro mass, doukepen phagell pre, oun t'maro mass rhačell oun rhandjrell. Oun kek drab hi koy, hoy nay krell t'men sasto.

1. Samuel 5:11

Koy dan le pale i tsele rayen pral i Filistarya khetne gole oun penan: “Bičrenn o morhton o Israeleskro Deblestar pale, kay lo vas, te marell lo men oun mare menshen gar.” I bari daar his an o tselo foro, fothe phares his o Debleskro vast ap lende čiddo.

1. Samuel 5:7

Har dikan oun hayvan le, hoske kova yaake hi, penan le: “Kova hi o Israeleskro Devel, kay čivas koy phagi ap mende oun ap maro debleste Dagon. Ma moukenn o morhton, kay leskre laba dren hi, pash mende te ačell.”

1. Samuel 5:9

Oun har yon ko morhton kote anan, vas o baro Debleskro vast phares ap o foro, oun lauter, tikne oun bare lan ko djoungelo nasslepen. Oun i bari daar tapras len.