1. Samuel 5:3 - O Debleskro Lab 2024 (Sinte-Manouche)

³ Oun har i menshe an o foro Ashdod o vavar dives taysarlakro pre stan, kote hatsan le o Dagon ap peskro mouy čiddo ap i phoub glan o morhton, kay o baro Debleskre deesh laba dren hi. Oun yon lan o Dagon oun čivan les pale kote tardo, kay his lo.

O Debleskro Drom 2021 (Sinte)

³ Un har i menshe an o foro Ashdod o wawar diwes taissarlakro pre stan, kote hatsan le o Dagon ap peskro mui tchiddo ap i phub glan o mochton, kai o baro Debleskre deesh laba dren hi. Un jon lan o Dagon un tchiwan les pale kote tardo, kai his lo.

1. Samuel 5:3 Iomraidhean Croise

1. Rajengro liil 18:26

Kote lan yon ko gouroum, hoy dan le len, maran les, činan les khetne oun čivan les ap o kasht, oun kharan o Baales taysarlakro bis mashkral-dives oun penan: “Baal, shoun ap mende!” Kek rakepen vas, kek rakras ap lende. Oun yon khelan troul pengri rhačepaskri, kay yon penge kran.

Debleskri gili 115:7

Len hi vasta, oun yon nay taprenn či an. Herya hi len, oun yon nay djan gar. Kek gole vell dran lengri meen.

Debleskri gili 97:7

Ladj ap kolende, kay krenn penge vavar debla, oun sharenn pen pengre moule deblentsa! Perenn tele ap i phoub, t'mer vavar debla, glan o baro Debleste!

2. Mose 12:12

Oun me djau an kaya rat mashkral o tselo them Egiptia, oun dau i tsele morsh čaven temerl, kay hi i phoureder čave pengre dayendar, kolla, kay i menshestar, ninna i firhestar boldo van. Yaake dau me kolende lauterende i phagi, kay kharenn pen devel, oun kolen i Egiptarya an-mangenna. Me hom o baro Devel.

Jesaja 19:1

Kate sikrell o Devel, hoy pral o them Egiptia vella: O baro Devel oulerell ap i sik folka oun vell pral o them Egiptia. Oun i tsele rhorhene debla an Egiptia trissenna glan leste. Oun i Egiptarenge perell o dji an i rholopya.

Jesaja 40:20

Yek, kay hi čorvelo, rodell peske i kasht, hoy zorelo ačell, oun anell les pash i morsheste, kay hayvell mishto o kashteha te boudrell, te krell lo leske i figura, hoy gar trouyel perell.

Jesaja 41:7

O boudepaskro, kay kras i figura, penell ap koleste, kay čivell sonakay troul late: Ko kral tou mishto! Oun kova, kay das o sonakay sano, penell ap koleste, kay kol kotya khetne čivas: Hi mishto yaake! Ko rikrell. Oun yon denn saster an koy figura, te ačell li zoreles tardo.

Jesaja 46:7

Yon hadenn les ap pengri phik, oun hidjrenn les trouyel, oun čivenn les pale pale ap leskri platsa. Oun kote hi lo tardo, oun djal foun kokres gar doureder. Dell yek gole ap leste, rakrell lo gar pale, krell peskro mouy gar pre, oun djal gar koy, te lell lo les vin dran i bibarht.

Jeremia 10:8

Lauter hi yon dinelo oun narvelo, kolla, kay mangenn o kasht an. Kol debla nay sikrenn lende či.

Zefanja 2:11

Kanna krell o baro Devel lenge bari daar, te krell lo i rhorhene deblen ap i tseli phoub paash. Oun an hake themma vitsrenn pen i menshe glan leste tele, hakeno an peskro them.

Markus 3:11

Oun har kol menshe, kay benga an lende his, les dikan, peran yon glan leste tele, oun dan gole: “Tou hal o Debleskro čavo!”

1. Samuel 6:1

Oun o morhton o baro Deblestar his efta čonna an o them Filistia.