1. Samuel 5:10 - O Debleskro Lab 2024 (Sinte-Manouche)

¹⁰ Koy bičran le o morhton, kay o Debleskre laba dren hi, an o foro Ekron. Oun har ko morhton an o foro Ekron dren vas, dan i menshe kote gole i daryatar oun penan: “Yon anan o morhton o Israeleskro Deblestar pash mende, te marell lo men lauteren.”

O Debleskro Drom 2021 (Sinte)

¹⁰ Koi bitchran le o mochton, kai o Debleskre laba dren hi, an o foro Ekron. Un har ko mochton an o foro Ekron dren was, dan i menshe kote gole i darjatar un penan: “Jon anan o mochton o Israeleskro Deblestar pash mende, te marell lo men lauteren.”

1. Samuel 5:10 Iomraidhean Croise

2. Samuel 7:9

Me homs pash toute, kay tou ninna djal, oun marom kolen lauteren glan toute, kay kouran pen touha. Me kamau tiro lab bares te krell, yaake prindjedo har i laba kol bare rayendar ap i phoub.

2. Rajengro liil 1:2

Ko baro ray, kay pal o Ahab vas, his o Ahasya. His i dives, har his lo an peskri pralstouni isema an o foro Samaria, koy peras lo tele dran i vorhni oun doukras pes. Oun yob bičras morshen an o foro Ekron oun penas ap lende: “Djan koy oun poučenn o deblestar Baal-Seboub, – kova hi o devel o forestar Ekron: Vau me pale sasto?”

Amos 1:8

Oun moukau i raya pral i forya Ashdod oun Ashkelon moulo te dell, oun dau o fores Ekron. Oun i tsele Filistarya, kay pral ačan, merenna.

Amos 6:2

[T'mer penenn ap i menshende:] Djan an o foro Kalne! Oun dikenn, har ko foro hi! Oun kotar djan doureder pash o baro foro Hamat! Palle djan tele pash i Filistarya an o foro Gat! Hi le zorleder har kal themma Youda oun Israel? Hi lengro them bareder har t'maro them? Na-a!

Josua 13:3

oun ko them, kay i Kanaanitarya djivenn, mank o pani Shihor, hoy glan o them Egiptia nashell, oun o foro Ekron, kay kote čiddo hi, kay norden hi; oun kol panč forya, pral kolende panč Filistarya i raya hi: Gaza, Ashdod, Ashkelon, Gat oun Ekron; koy pashel ko them, kote kay o kham pralstounes hi, oun kay i Avarya djivenn;

Josua 15:11

oun palle doureder ap i tikni berga, hoy ap i nordetikri rig o forestar Ekron hi, oun doureder pash o foro Shikkaron oun doureder pash i berga Baala, oun doureder bis pash o foro Yabneel oun pash o Baro Pani.

Josua 15:45

Pash o Baro Pani his kol forya: Ekron oun leskre tikneder forya, oun koy pashel gomme lengre gaba;

Čačepangre 1:18

Oun o Youda las ninna i forya Gaza, Ashkelon oun Ekron dren oun o them, hoy koy pashel his.

1. Samuel 17:52

Oun i tsele lourde dran Israel oun dran Youda djan glan, dan i bari kourepaskri gole, oun lan kol Filistarya palla yaake dour, bis te van le pash o foro Gat oun glan i bare voudya o forestar Ekron. Oun i moule Filistarya his čiddo ap o drom mank Shaarayim oun Gat oun Ekron.

1. Samuel 5:11

Koy dan le pale i tsele rayen pral i Filistarya khetne gole oun penan: “Bičrenn o morhton o Israeleskro Deblestar pale, kay lo vas, te marell lo men oun mare menshen gar.” I bari daar his an o tselo foro, fothe phares his o Debleskro vast ap lende čiddo.

1. Samuel 5:9

Oun har yon ko morhton kote anan, vas o baro Debleskro vast phares ap o foro, oun lauter, tikne oun bare lan ko djoungelo nasslepen. Oun i bari daar tapras len.

1. Samuel 6:1

Oun o morhton o baro Deblestar his efta čonna an o them Filistia.