1. Samuel 4:21 - O Debleskro Lab 2024 (Sinte-Manouche)

²¹ Oun yoy das ko čaves o lab Ikabod. Ko lab kharell: O raylepen djas peske dran o Israel. Kova penas yoy doleske, kay lan le o morhton lendar, kay o Debleskre deesh laba dren hi, oun doleske, kay lakro romeskro dad oun lakro rom meran.

O Debleskro Drom 2021 (Sinte)

²¹ Un joi das ko tchawes o lab Ikabod. Ko lab kharell: O railepen djas peske dran o Israel. Kowa penas joi doleske, kai lan le o mochton lendar, kai o Debleskre deesh laba dren hi, un doleske, kai lakro romeskro dad un lakro rom meran.

1. Samuel 4:21 Iomraidhean Croise

Debleskri gili 106:20

Yon moukan o raylo baro Debles, oun mangan i figura i groumyatar an, hoy khass rhal.

Debleskri gili 26:8

Me kamau o kheer, kay tou djiveh, miro tselo djiyestar, oun koy platsa, kay tiro raylepen diklo vella.

Debleskri gili 78:61

Oun ko sonakaskro morhton, hoy sikras peskri zoor oun peskro raylepen, moukas lo an i vasta kolendar te perell, kay kouran pen peskre menshentsa.

Debleskri gili 78:64

I rashaya van maredo o rhareha, oun lengre romya nay rovan gar pral pengre moule romende.

Jeremia 2:11

Ninna te hi lengre debla kek čače debla, lenn yon kek vavar deblen an! Mire menshe, kay miro raylepen dikan, yon paran man dren yekeha, kay kek devel hi, oun koles kek zoor hi.

Ropaskre gilja 2:1

Ah, o baro Debleskri rholi hi čiddo ap o foro Sion har i kali rati! Yerusalem, hoy sharedo vas bis an o bolepen, vas tele vitsedo ap i phoub. Ap ko dives, kay leskri rholi pral i berga Sion vas, his leske či, te his o foro i banko peskre pirenge.

Hosea 9:12

Ninna te tserdenn le pengre čaven bares, lau len lendar pale krik. Kek lendar ačell djido. Havi bibarht vell pral lende, me te tserdau man lendar krik!

1. Samuel 14:3

An ko tsiro his o Ahia o rashay oun rivas koy damdira, hoy rivenn i rashaya. Koleskro dad his o Ahitoub, koleskro phraal his o Ikabod. Lengro dad his o Pinhas, leskro dad his o Eli, kay his o baro Debleskro rashay an o foro Shilo. I lourde djinan gar, te djas peske o Yonatan.

1. Samuel 2:34

Me dau tout i sikepen: Tire douy čave, o Hofni oun o Pinhas, merenna ap yek dives. Te vell kova, dikeh, kay ko vavar koova ninna čačo hi.

1. Samuel 3:12

Ap ko dives kamau me lauter pral o Eli oun leskro kheer te anell, hoy me pral leste rakrom, bis te lauter yaake vas, har me penom.

1. Samuel 4:11

Oun o morhton, kay o Debleskre deesh laba dren hi, vas lendar lino. Oun o Elyeskre douy čave, o Hofni oun o Pinhas, meran.

1. Samuel 4:22

Doleske penas li: “O raylepen djas peske dran o Israel. O morhton, kay o Debleskre laba dren hi, hi krik lino.”