1. Samuel 4:19 - O Debleskro Lab 2024 (Sinte-Manouche)

¹⁹ Oun i romni o Elyeskro čavestar o Pinhas, his an vavar koova, yaake dour te hounte vas o ternepen boldo. Oun har yoy shounas te lan le o morhton lendar, kay o Debleskre deesh laba dren hi, oun te meras lakro romeskro dad, oun ninna lakro rom, tapran lat i douka, oun o ternepen vas boldo.

O Debleskro Drom 2021 (Sinte)

¹⁹ Un i romni o Eljeskro tchawestar o Pinhas, his an wawar koowa, jaake dur te hunte was o ternepen boldo. Un har joi shunas te lan le o mochton lendar, kai o Debleskre deesh laba dren hi, un te meras lakro romeskro dad, un ninna lakro rom, tapran lat i duka, un o ternepen was boldo.

1. Samuel 4:19 Iomraidhean Croise

1. Mose 3:16

Ap i romyate penas o Devel: “Me kamau touke phares te krell, te veh an vavar koova. Doukentsa aneh tou čaven ap i phoub. Oun tiro dji dell gole pal tiro romeste. Yob hi pral toute o ray.”

1. Mose 35:17

Har lakre douka baro his, penas koy rhačepaskri gadji ap late: “Ma traash! Ninna kova hi i morsh čavo.”

1. Rajengro liil 14:1

An ko tsiro vas o čavo o Yerobeamestar nasselo. Kova his o Abiya.

Debleskri gili 78:64

I rashaya van maredo o rhareha, oun lengre romya nay rovan gar pral pengre moule romende.

Jeremia 26:6

palle krau kava khereha har ko khereha an Shilo. Oun me krau, te penenn i vavar menshe, te kamenn le yekes te praasell: Mou djal touke har o foreske Yerusalem!

1. Samuel 4:18

Oun har yob pral ko morhton rakras, peras o Eli palstounes peskri beshepaskri tele, hoy pash o voudar tardo hi. O Eli his yaake phouro oun pharo, te phagas lo peskri meen, oun meras. Yob his o čačepaskro morsh pral o Israel star-deesh bersha.

1. Samuel 4:20

Oun har yoy ap o merepen čiddo his, penan i djouvya, kay pashel tardo hi: “Ma dare, tout hi i morsh čavo.” Yoy penas či koy pre, oun moukas kova gar an peskro dji te djal.