1. Samuel 30:7 - O Debleskro Lab 2024 (Sinte-Manouche)

⁷ Oun yob penas ap o rashayeste, o Abyatar, koleskro dad o Ahimelek his: “An mange o rashayeskri damdira!” Oun o Abyatar anas leske o rashayeskri damdira.

O Debleskro Drom 2021 (Sinte)

⁷ Un job penas ap o rashajeste, o Abjatar, koleskro dad o Ahimelech his: “An mange o rashajeskri damdira!” Un o Abjatar anas leske o rashajeskri damdira.

1. Samuel 30:7 Iomraidhean Croise

1. Rajengro liil 2:26

Oun ap o rashayeste Abyatar penas o baro ray: “Dja an o foro Anatot, kote kay tiri phoub hi. Ninna te hounte merals, kamau tout kava dives gar te marell. Tou hidjral ko morhton, kay o Debleskre laba dren hi, glan miro dadeste, o David. Oun tou rikral vin khetne miro dadeha, kol tsele douka, hoy ap leste van.”

2. Mose 28:6

O rashayeskri damdira krenn le an shoukar vastengri boudi dran lačo zorelo layntikro than, kay sonakay dren sido vell, ninna kouč bakrengro bal, hoy blaueto, lolo oun lolo har yag kerdo vas.

Markus 2:26

An ko tsiro, kay o Abyatar o baro rashay his, djas o David an o Debleskro kheer oun rhas o Debleskre mare, hoy kote čiddo his. Pal i biboldengro čačepen his kol mare i rashayenge kokres koy. O David rhas len, oun das ninna kolen, kay pash leste his.”

1. Samuel 10:22

Oun yon poučan o baro Deblestar: “Vas ko morsh kay?” Oun o baro Devel penas: “Yob khatras pes ap i platsa, kay i koola hi.”

1. Samuel 14:18

Kote penas o Saul ap o Ahia: “An o rashayeskri damdira kay!” An ko tsiro hidjras o Ahia koy damdira glan i Israelitarya.

1. Samuel 14:19

Oun har o Saul gomme rakras, djas ap i Filistarengri platsa pral oun tele. Yaake te penas o Saul ap ko rashayeste: “Na-a, mouk, le tiro vast pale pale!”