1. Samuel 30:6 - O Debleskro Lab 2024 (Sinte-Manouche)

⁶ Oun i morshengre djia rovan pral lengre čavende oun čen, oun yon van yaake rhoyedo ap o Davideste, te kaman le les moulo te dell i barrentsa. Oun o David vas an i pharo tsiro. Oun yob las peskri zoor o baro Deblestar, kay leskro Devel hi.

O Debleskro Drom 2021 (Sinte)

⁶ Un i murshengre djia rowan pral lengre tchawende un tchen, un jon wan jaake chojedo ap o Davideste, te kaman le les mulo te dell i barrentsa. Un o David was an i pharo tsiro. Un job las peskri soor o baro Deblestar, kai leskro Dewel hi.

1. Samuel 30:6 Iomraidhean Croise

1. Mose 32:7

I morsha van pale pash o Yakobeste oun penan ap leste: “Mer hams pash tiro phraleste Esau. Yob hi ap o drom te vell lo pash toute. Star-sheel morsha hi pash leste.”

2. Samuel 17:8

Tou prindjreh tiro dades oun leskre lourden, kay hi zorele kourepangre oun rhoyedo har i divyo dayengro firho an o veesh, koleske yek i ternen krik las. Ninna hi tiro dad i lourdo, kay prindjrell o kourepen. Yob sovell gar pash i vavar lourdende.

2. Rajengro liil 4:27

Har yoy pash o Debleskro morsheste ap koy berga vas, tapras yoy leskre herya trouyel. O Gehasi vas, te dell lo lat i spildini. Koy penas o Debleskro morsh: “Mouk lat! Lake hi ropaske, oun me djinau gar hoske. O baro Devel penas mange či, hoy djas.”

Hiob 13:15

Mou marell lo man, man hi či te nashrell. Me djom čače dromma; oun kova kamau me leske an o mouy te penell.

Debleskri gili 116:10

Me patsom o Debles, ninna te penom: “Man hi kek zoor bouder.”

Debleskri gili 138:3

Ap ko dives, hoy me ap toute gole dom, shounal tou man, oun dal man pale bari zoor.

Debleskri gili 18:2

Oun yob penas: Baro Devel, miro tselo djiyestar kamau tout. Tou kreh man zoreles.

Debleskri gili 18:6

I moulengro them pandas peskre shelle troul mande, oun o merepaskre shelle tserdan man tele.

Debleskri gili 25:17

I daar an miro dji hi baro. Le man vin dran miri bibarht!

Debleskri gili 27:14

Rike tout ap o baro Debleste tiro tselo djiyeha! Ab zoreles, oun ma traash, oun rike tout ap o baro Debleste!

Debleskri gili 31:24

Kamenn o baro Debles o tselo djiyestar, t'mer kay leskre han! Koon ap leste patsella, hi an leskro vast. Koon pes pre phourdell, ap koleste vell leskri rholi.

Debleskri gili 42:11

Yon sanenn pral mande oun poučenn mandar hako dives: “Kay hi tiro Devel? Kay ačell lo?” Lengro praasepen hi mange har i merepaskro doukepen an mire kokale.

Debleskri gili 42:5

Miro dji phagell an mande, har moukau mange an miro shero trouyel te djal, har djom boud menshentsa ap o drom oun anom len an o Debleskro kheer. Ap o drom sharam les bari golyah, te parkras men pash leste, oun hams boud, kay givan leske gilya i barhtelo djiyeha.

Debleskri gili 42:7

Kanna, mo Devel, rovell miro dji. Doleske dikau ap toute kote, kay hom: an o them pash o pani Yordan, pash i berge Hermon oun Misar.

Debleskri gili 56:11

Me kamau o Debleskro lab te sharell. Ava, o baro Debleskro lab kamau te sharell.

Debleskri gili 62:1

I gili o rayeske pral i gipangre, o Yedoutoun. Kay gili kras o David.

Debleskri gili 62:5

T'menge djal an o shero trouyel, har nay krenn te perap khetne. O rhorhepen hi t'menge shoukar. T'mare mouyentsa rakrenn t'mer i barht vin pral yekeste, oun an t'mare djia rakrenn i bibarht pral leste.

Debleskri gili 71:4

Miro Devel, le man vin dran i vasta i čilačendar, oun kolendar, kay o čačepen stakrenna, oun i vavaren i zoryah tele rikrenna.

Debleskri gili 71:5

Miro ray, tou baro Devel, ap toute dikau, foun tiknes pre patsom ap toute.

2. Mose 17:4

Kote das o Mose ap o baro Debleste gole: “Hoy krap me kal menshentsa? An i tikno tsiro vitsrenn le man i barrentsa moules.”

Gosewe laba 18:10

O baro Devel hi har i baro zorelo kheer. Kova, kay an o čačepen tardo hi, nashell pash leste oun khatrell pes pash leste.

Jesaja 25:4

Čačepah, tou val o čorveleske har i zorelo kheer, kay yob pes nay khatrell. Te krenn le leske o djipen phares, nay vell lo pash toute. Tou hal har i kheer, kay nay khatrell yek pes, te dell baro brishin, oun te rhačell o kham tele. Kol pralstoune, kay zoryah ap mende djan, hi har i baro phourdepen, hoy phourdell an o vend,

Jeremia 16:19

Baro Devel, tou deh man zoor oun deh garda ap mande. Pash toute nay vau me oun khatrau man an i bibarht. Dran i tsele themma ap i phoub venn i menshe pash toute, oun penenn: Kol debla mare phourendar hi lauter rhorhepen, či-moldo hi le, oun nay venn gar ap mari rig.

Jona 2:2

Oun har lo an o mačeskro per his, mangas lo peskro baro Debles an,

4. Mose 14:10

Kol tsele menshe penan: “Vitsrenn len moulo i barrentsa!” Koy vas o baro Debleskro raylepen pral o Debleskro kheer. Oun i tsele Israelitarya dikan kova.

Mateo 21:9

Oun kol boud menshe, kay djan glan leste oun pal leste, dan bari gole: “Sharas o Davideskro čaves! Sharedo vell kova, koles o Devel bičras. Sharas o Debles an o bolepen!”

Mateo 27:22

Koy penas o Pilato ap lende: “Hoy krap o Yezouseha, kay kharella ninna o Kristo?” Penan le halauter: “De les ap o troushel!”

Johanni 8:59

Koy hadan yon barra pre, te vitsrenn le kolla ap leste. Oun yob khatras pes, oun djas dran o Debleskro baro kheer vin.

Remarja 4:18

O Devel penas o Abrahameske: Tou leh i čaves. Kolestar venna boud boud menshe, yaake boud, te djivenn le an boud themma. Ninna te dikas o Abraham či kolestar, hoy o Devel leske penas, patsas lo o Debles.

Remarja 4:20

Yob rikras pes ap kova, hoy o Devel leske penas, oun yob patsas gar i paash djiyestar. Yaake vas leskro patsepen gomme zorleder. Oun yob sharas o Debles.

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!

2. Korintarja 1:6

Te vell pharo koova ap mende, vell kova, te venn t'mare djia zoreles, oun te lenn t'mer o Debleskro djipen. Te kras o Devel mare djia zoreles, venn ninna t'mare djia zoreles. Oun t'mer nay rikrenn kol douka vin, hoy ap mende ninna hi.

2. Korintarja 4:8

Ninna te vell haki rigyatar pharo koova ap mende, krell men kova gar paash. Ninna te djinah boud kope gar, hoy te kras, dah mer gar pre.

2. Korintarja 7:5

Har vam an o them Macedonia, vas haki rigyatar pharo koova ap mende. His menshe koy, kay čingran pen mentsa. Oun men his i bari daar. Yaake lam kek nevi zoor.

Hebrearja 13:6

Yaake hounte daras gar oun nay penah: O Devel hi ap miri rig, me hounte darap gar. Hoy nay krell i mensho ap mande?

Čačepangre 18:25

I Danarya penan ap leste: “Mouk, ač! Mer kamah či bouder te shounell. Touke nay djal, te perenn rhoyede morsha pral toute oun tiro kheer, oun denn t'men moulo!”

Čačepangre 20:22

Oun i Israelitarya djan pale pash o foro Betel, rovan oun dan gole glan o baro Debleste bis i rati vas, oun poučan o baro Debles: “Djas mer gomme yek kopo pre, te kouras men mare phralentsa, i Benyaminentsa?” Oun o baro Devel penas: “Ava, djan oun kourenn t'men lentsa!” Koy penas yek ap o vavareste: “Mer hounte das gar pre!” Oun yaake čivan le pen pale pre o marepaske, kote kay le yek dives glan tardo his.

1. Samuel 1:10

Oun lakro dji rovas, oun yoy mangas o baro Debles oun rovas zoreles ap leste,

1. Samuel 23:16

Kote kras pes o Sauleskro čavo, o Yonatan, ap o drom, oun djas pash o David pre an Horesha, oun kras leskro dji zorelo an o patsepen ap o Debleste.

1. Samuel 28:15

Oun o Samuel poučas o Saulestar: “Hoske lal tou man dran miro sopen vin, oun moukal man pre te vell?” Oun o Saul penas: “Me hom an bari daar! I Filistarya djan an o kourepen te marenn le pen mantsa. Oun o baro Devel djas peske mandar, oun rakrell gar bouder ap mande. Leskre rakepangren hi kek lab mange, vitar gar rakrell lo mantsa an sounya. Kote moukom me tout pale gole te dell, te peness mange, hoy me hounte krap!”