1. Samuel 30:4 - O Debleskro Lab 2024 (Sinte-Manouche)

⁴ Kote rovas o David oun kol morsha, kay pash leste his, yaake zoreles bis te yon gar bouder nay rovan.

O Debleskro Drom 2021 (Sinte)

⁴ Kote rowas o David un kol mursha, kai pash leste his, jaake soreles bis te jon gar buder nai rowan.

1. Samuel 30:4 Iomraidhean Croise

Esra 10:1

Oun har o Esra glan o Debleskro kheer ap peskre čanga čiddo his, oun ropah o Debleha rakras oun koy tseli doosh vin rakras, van boud menshe dran Israel troul leste trouyel, morsha, djouvya oun čave; oun yon halauter rovan zoreles.

4. Mose 14:1

Koy stan kol tsele Israelitarya pre, oun dan gole i trashatar. Oun kol menshe rovan i tseli rat.

4. Mose 14:39

Har o Mose kol laba ap kol tsele Israelitarya penas, his kol tsele menshenge ropaske.

Čačepangre 2:4

Oun har o baro Debleskro bolepaskro kova lauter ap i Israelitarya penas, koy rovan le zoreles.

Čačepangre 21:2

Kanna van i Israelitarya an o foro Betel, oun beshan glan o Debleste o tselo dives, oun dan gole oun rovan,

1. Samuel 11:4

Koy van kol morsha, kay dran Yabesh bičedo van an o foro Gibea, kay o Saul djivas, oun penan kol laba i tsele menshenge an o foro. Har kolla kova shounan, rovan le zoreles.

1. Samuel 30:3

Oun o David vas peskre morshentsa pash o foro, oun dikas, te his o foro rhačedo oun lengre djouvya oun lengre čave his pandles krik lino.

1. Samuel 4:13

Oun har yob an o foro vas, his o Eli vin ap i beshepaskri beshdo, oun dikas ap o drom. Leskro dji daras troul ko morhton, kay o Debleskre deesh laba dren hi. Oun har ko morsh an o foro dren vas, penas lo i menshenge koy, hoy vas. Oun ko tselo foro das gole.