1. Samuel 3:2 - O Debleskro Lab 2024 (Sinte-Manouche)

² His i rat, kay his o Eli ap peskro čiben čiddo. Leskre yaka nashran pengri zoor, oun yob nay dikas bouder či.

O Debleskro Drom 2021 (Sinte)

² His i rat, kai his o Eli ap peskro tchiben tchiddo. Leskre jaka nashran pengri soor, un job nai dikas buder tchi.

1. Samuel 3:2 Iomraidhean Croise

1. Mose 27:1

O Isaak vas phouro oun nay dikas bouder či. Oun yob kharas peskro phoureder čaves, o Esau, oun penas ap leste: “Miro čavo!” “Ake hom”, penas kova.

1. Mose 48:10

O Israeleskre yaka hi bouder gar mishto. Yob his phouro oun dikas nay bouder gar. Doleske anas o Yosef kol čaven pash leste. Oun yob tapras len trouyel oun das hakenes i čoum.

1. Mose 48:19

Leskro dad kamas gar oun penas: “Me djinau, čava, me djinau. Ninna kolestar venna yaake boud menshe, te vell lendar yek natsyona. Leskro terneder phraal vell bareder har yob. Lestar venna yaake boud menshe, te venn lendar boud natsyone.”

1. Rajengro liil 14:4

Oun leskri romni kras kova, oun kras pes ap o drom, oun djas an o foro Shilo, oun vas an ko kheer, kay o Ahia djivell. O Ahia his yaake phouro, te nay dikas lo bouder gar.

Debleskri gili 90:10

Maro djipen hi 70 (efta-deesh) bersha, te hi boud, 80 (orhta-deesh) bersha. Oun kova, hoy menge shoukar his, hi či har boudi oun pharepen. Oun sikeder har sik hi lauter trouyel.

Sikepaskro 12:3

Palle trissenn tire moussya, hoy yaake zorelo his. Oun tire herya, hoy hidjran tout, len hi bouder kek zoor. I danda perenn touke vin, yek pal o vavar. Tire yaka dikenn bouder gar mishto,

1. Samuel 2:22

Oun o Eli his kanna boud phouro. Oun yob shounas lauter, hoy leskre čave ap i Israelitarya kran, ninna te his le pash kol djouvyende čiddo, kay glan o Debleskro plarhteno kheer pengri boudi kran.

1. Samuel 4:15

O Eli his enya-deesh-te-orhta (98) bersh phouro, oun leskre yaka van korelo, yaake te nay dikas lo či bouder.