1. Samuel 3:12 - O Debleskro Lab 2024 (Sinte-Manouche)

¹² Ap ko dives kamau me lauter pral o Eli oun leskro kheer te anell, hoy me pral leste rakrom, bis te lauter yaake vas, har me penom.

O Debleskro Drom 2021 (Sinte)

¹² Ap ko diwes kamau me lauter pral o Eli un leskro kheer te anell, hoi me pral leste rakrom, bis te lauter jaake was, har me penom.

1. Samuel 3:12 Iomraidhean Croise

Ezekiel 21:5

Oun me penom: Ah, baro Devel, miro ray! Yon penenn mandar: Kol laba, hoy kova rakrell, hi laba, hoy kek hayvell!

Zakarie 1:6

Kol laba, hoy yon, mire boudepangre, t'mare phourenge penan, tapran len. Koy moukan le pengro čilačo drom, oun penan: Kova, hoy o baro Devel, ko ray pral o bolepen oun i phoub, mentsa kras, hi i phagi maro čilačo djipaske oun ko čilačo koova, hoy kram, yaake har penas lo.

4. Mose 23:19

O Devel hi gar i mensho, kay rhorhella, vitar gar i mensheskro čavo, koles khaytell, hoy yob kras. Penell yob čomone, hoy yob gar krella? Penell yob kova, kay rikrell yob gar?

Louka 21:33

O bolepen oun i phoub ačenna gar. Mire laba ačenn hako tsiro.”

Josua 23:15

Oun yaake har ko tselo lačo lab čačo vas, hoy t'maro baro Devel ap t'mende penas, yaake hi kova ninna kol čilače labentsa. Te rikrenn t'men gar ap kova, hoy t'maro baro Devel t'mentsa vin kras, oun djan pash vavar debla, oun mangenn len an, palle vell o baro Debleskri rholi pral t'mende. Oun sik ačell bouder kek t'mendar djido an kava lačo them, hoy t'maro baro Devel t'men das.

Čačepangre 4:24

Oun i Israelitarya van zorleder oun zorleder ap o Yabineste, ko baro rayeste pral o them Kanaan, bis te leskri zoryatar či bouder koy his.

1. Samuel 4:11

Oun o morhton, kay o Debleskre deesh laba dren hi, vas lendar lino. Oun o Elyeskre douy čave, o Hofni oun o Pinhas, meran.

1. Samuel 4:17

Koy penas ko bičepaskro: “O Israel nashas glan i Filistarya. Kolla dan men phares, oun tire douy čave, o Hofni oun o Pinhas hi moule, oun ko morhton, kay o Debleskre deesh laba dren hi, lan le mendar.”

1. Samuel 4:21

Oun yoy das ko čaves o lab Ikabod. Ko lab kharell: O raylepen djas peske dran o Israel. Kova penas yoy doleske, kay lan le o morhton lendar, kay o Debleskre deesh laba dren hi, oun doleske, kay lakro romeskro dad oun lakro rom meran.

1. Samuel 4:22

Doleske penas li: “O raylepen djas peske dran o Israel. O morhton, kay o Debleskre laba dren hi, hi krik lino.”