1. Samuel 29:8 - O Debleskro Lab 2024 (Sinte-Manouche)

⁸ Oun o David penas ap o Akish: “Miro baro ray, hoy krom me, oun hoy hatsal tou ap mande an ko tselo tsiro, kay tiro kourepaskro hom bis ap kava dives, te nay vap me gar touha, te nay marap kolen, kay kourenn pen touha, miro pralstuneha?”

O Debleskro Drom 2021 (Sinte)

⁸ Un o David penas ap o Achish: “Miro baro rai, hoi krom me, un hoi hatsal tu ap mande an ko tselo tsiro, kai tiro kurepaskro hom bis ap kau diwes, te nai wap me gar tuha, te nai marap kolen, kai kurenn pen tuha, miro pralstuneha?”

1. Samuel 29:8 Iomraidhean Croise

Mateo 6:13

Ma mouk men tiro dromestar tele te djal! Le men dran o bengeskro vast vin!

1. Samuel 12:3

Doleske hom kanna glan t'mende tardo: Stenn pre oun rakrenn kate glan o baro Debleste oun glan o baro rayeste, kones yob vin rodas: Koneskri groumni lom me? Koneskri esla? Kones rhorhrom me? Konestar lom i zoryah, hoy leske his? Konestar moukom man te playsrell, te pandap mire yaka glan leskro čilačo koova. Me te krom kova, palle kamau les me pale te dell.”

1. Samuel 17:29

O David penas: “Hoy krom me? Nay poučau me gar?”

1. Samuel 20:8

Yaake mangau tout: Ab lačes ap mande, tiro boudepaskro, oun rike tiro lab, hoy mer douy men glan o baro Debleste sovel dam, te ham mala. Me te anom doosh ap mande, palle de tou man moulo! Ma an man pash tiro dadeste!”

1. Samuel 26:18

Oun yob rakras doureder: “Hoske lell miro ray man, peskro boudepaskres, palla? Hoy krom me? Havo čilačepen hi ap mande?

1. Samuel 27:10

Oun te poučas o Akish: “Kay peran t'mer kava dives dren oun randan?” palle penas o David: “An o them Negev an Youda.” Oder: “An o them Negev, kay i Yerameelarya djivenn.” Oder: “An o them Negev, kay i Kenarya djivenn.”

1. Samuel 28:2

“Mishto”, penas o David. “Me hom tiro boudepaskro. Kanna nay dikeh tire yakentsa, hoy me krau.” Oun o Akish penas: “Mishto, tou vess kova, kay o tselo tsiro ap miro djipen yak hounte dell.”

1. Samuel 29:7

Doleske dja pale pale an o lačepen! Kre či, hoy an i yaka i rayendar pral i Filistarya nay djoungelo vals!”