1. Samuel 29:6 - O Debleskro Lab 2024 (Sinte-Manouche)

⁶ Oun o Akish das o David pash peste gole oun penas ap leste: “Me dau man sovel pash o djido Debleste, me patsau, te hal tou i čačo morsh. Oun mange vals mishto, tou te djals mantsa an o kourepen. Me nay hatsom kek čilačepen ap toute, yaake rah har pash mande val, bis ap kava dives. An i yaka i vavar rayendar hi kova gar yaake. Yon kamenn tout gar!

O Debleskro Drom 2021 (Sinte)

⁶ Un o Achish das o David pash peste gole un penas ap leste: “Me dau man sowel pash o djido Debleste, me patsau, te hal tu i tchatcho mursh. Un mange wals mishto, tu te djals mantsa an o kurepen. Me nai hatsom kek tchilatchepen ap tute, jaake rah har pash mande wal, bis ap kau diwes. An i jaka i wawar rajendar hi kowa gar jaake. Jon kamenn tut gar!

1. Samuel 29:6 Iomraidhean Croise

1. Mose 16:6

Koy penas o Abram ap i Saray: “Tiri boudepaskretsa hi an tiro vast. Kre tou lah, hoy an tire yaka mishto hi!” Oun i Saray his čilačo ap late. Oun i Hagar nashas peske latar.

2. Samuel 3:25

Prindjreh tou gar o Abneres, koleskro dad o Ner hi? Yob vas, te rhorhell lo touke čomone glan. Yob kamell te dikell, kay tou djah oun veh, oun kamell vin te hatsell, hoy tou kreh.”

2. Rajengro liil 19:27

Tiro tardepen prindjrau oun tiro beshepen dikau, oun ko tsiro djinau, kay djah tou vin, oun kay veh pale dren. Oun ninna djinau, havi bari rholyah tou divyes ap mande djah.

Debleskri gili 121:8

O baro Devel rikrell peskre vasta pral toute ap tire tsele dromma, kote kay veh oun kote kay djah kanna oun hako tsiro.

Jesaja 37:28

Tiro tardepen prindjrau oun tiro beshepen dikau, oun ko tsiro djinau, kay djah tou vin, oun kay veh pale dren. Oun ninna djinau, havi bari rholyah tou divyes ap mande djah.

Jesaja 65:16

Palle penenn kolla an o them Youda, kay rakrenn i barht vin pral yekeste: “I barht o čačepaskro Deblestar vell pral toute!” Oun kova, kay dell pes sovel an o them, kova dell pes sovel pash o čačepaskro Debleste. Palle hi bistedo kol phare divessa pherdi bibarht, hoy glan kava tsiro his, oun venn mange bouder gar glan i yaka.

Jeremia 12:16

Yon sikran mire menshende, har te denn le pen sovel ap o debleste Baal. Kanna vell yaake: Te moukenn yon pen mire menshendar te sikrell, har te denn yon pen ap miro lab sovel, oun penenn: Pash o djido Debleste … palle moukau len mashkral mire menshende te djivell.

4. Mose 27:17

yekes, kay djal glan lende vin oun dren, oun anell len vin oun dren, te venn o baro Debleskre menshe gar har bakre, kay len kek bakrengro hi.”

Mateo 5:16

Yaake hounte venn t'mer har i momeli, hoy rhačell glan i menshende, te dikenn le, havo lačo koova t'mer lauter krenna, oun te sharenn le o Debles, kay hi t'maro dad an o bolepen.

5. Mose 10:20

Oun hounte shounenn ap t'maro baro Debleste oun mangenn les kokres an. Rikrenn t'men ap leste kokres. Te denn t'men sovel, denn t'maro sovel pash leskro lab.

Josua 22:30

O rashay Pinhas oun kol deesh pralstoune, kay pash leste his, kolla, kay i pralstoune pral i deesh bare khera hi, shounan, hoy i morsha dran i khera Ruben oun Gad oun Manasse ap lende penan. Oun kova his lačes an lengre yaka.

1. Petro 2:12

T'mer djivenn mank i menshende, kay o Debles gar prindjrenna. Doleske djivenn yaake, te hatsenn le kek čilačepen ap t'mende! Oun kolla, kay rakrenna djoungeles pral t'mende, kolla hounte dikenn o lačo koova ap t'mende, yaake te sharenn le o Debles ap ko dives, kay yob vella.

1. Petro 3:16

Rakrenn lentsa lačepah, oun krenn t'men gar bares pral lende! Rakrenn dran i djoudjo dji, te vell i ladj ap kolende, kay rakrenn djoungeles pral t'maro djipen o Yezous Kristeha!

1. Samuel 20:3

O David penas: “Tiro dad hayvas, te hom tiro maal. Doleske penas lo peske: O Yonatan hounte djinell kova gar, te doukrell kova les gar.” Oun o David penas doureder: “Me dau man sovel glan o djido Debleste oun glan toute: Mashkral mande oun o merepen hi gar boudeder har yek heryakro stakepen!”

1. Samuel 28:10

Oun o Saul das pes sovel pash o baro Debleste oun penas: “Me dau man sovel pash o djido Debleste, an kava kova perell kek doosh ap toute!”

1. Samuel 29:3

Kote poučan i pralstoune lourde: “Hoy krenn kal Hebrearya kay?” Oun o Akish penas lenge: “Kava hi o David. Yob his i kourepaskro o Sauleske, ko rayeske pral o Israel. Glan boudeder har yek bersh vas lo pash mande. O tselo tsiro, har peras lo tele o Saulestar bis kanna hatsom či ap leste, hoy gar mishto hi.”

1. Samuel 29:7

Doleske dja pale pale an o lačepen! Kre či, hoy an i yaka i rayendar pral i Filistarya nay djoungelo vals!”

1. Samuel 5:8

Oun yon bičran morshen an o tselo them Filistia oun dan i tsele rayen khetne gole, oun poučan lendar: “Hoy kras mer ko morhtoneha o Israeleskro Deblestar, kay leskre laba dren hi?” Kolla penan: “Anenn les an Gat.” Oun yon hidjran les an o foro Gat.