1. Samuel 29:4 - O Debleskro Lab 2024 (Sinte-Manouche)

⁴ Oun i pralstoune i Filistarendar van rhoyedo ap leste oun penan ap leste: “Biče ko morshes pale! Yob te ačell kote, kay tou moukal les te djivell! Kamah gar te djal lo mentsa an o kourepen! Palle nay vell lo pash i vavarende ap i rig oun marell men! Hoy vals feteder leske, har te dals lo peskro rayes i sherya mare morshendar, te vell kova leske pale lačes?

O Debleskro Drom 2021 (Sinte)

⁴ Un i pralstune i Filistarendar wan chojedo ap leste un penan ap leste: “Bitche ko murshes pale! Job te atchell kote, kai tu mukal les te djiwell! Kamah gar te djal lo mentsa an o kurepen! Palle nai well lo pash i wawarende ap i rig un marell men! Hoi wals feteder leske, har te dals lo peskro rajes i sherja mare murshendar, te well kowa leske pale latches?

1. Samuel 29:4 Iomraidhean Croise

1. Familjakro liil 12:19

Kote vas o Debleskro dourho pral o Amasay, ko pralstouno pral i triyanda zorele kourepangre, oun yob penas: David, tire ham mer! ap toute rikrah men, tou o Isayeskro čavo! Lačepen oun barht mou vell pral toute, oun ninna pral kolende, kay pash toute hi! Tiro Devel hi ap tiri rig! Koy las len o David pash peste, oun kras lendar pralstoune pral peskre lourdende.

1. Familjakro liil 12:20

Ninna dran o kheer Manasse van morsha pash o Davideste. Kova his an ko tsiro, har djas lo khetne i Filistarentsa an o kourepen, te kourenn le pen o Sauleha. O David his ap i Filistarengri rig. Lengre pralstoune penan penge: “Yob nay nashals an o kourepen pash leskro rayeste, o Saul, ap i rig, palle nashrah mare sherya.” Oun yon bičran o Davides krik.

2. Mose 1:10

Mer hounte hatsas i drom, te venn yon gar gomme boudeder. Te phagals i baro kourepen vin, nay dans pen yon ap i vavar rig, oun mer hounte kourams men lentsa, oun yon djans dran ko them vin.”

Louka 16:8

Oun ko ray sharas ko rhorheno boudepaskres doleske, kay his lo gosevo.” “Oun kova hi čačo”, penas o Yezous, “kol menshe, kay prindjrenn o Debles gar, djan gosveder trouyel i vavar menshentsa har kolla, kay djan ap o Debleskro drom.

1. Samuel 14:21

Oun kote his ninna Hebrearya, kay pash i Filistarende hi oun kay lentsa an o kourepen djan, kolla rissran pen oun van ap i rig i Israelendar, kay pash o Saul oun o Yonatan hi.

1. Samuel 27:6

Oun o Akish das les ko dives o foro Siklag. Doleske hi o foro Siklag gomme kava dives kol bare rayenge dran o them Youda.

1. Samuel 29:9

“Djinau, djinau”, penas o Akish, “an mire yaka hal tou har i bolepaskro o Deblestar. I pralstoune pral i Filistarya hi kolla, kay penan: Yob djal gar mentsa an o kourepen!

1. Samuel 30:1

Oun har o David oun kol morsha, kay pash leste hi, pal triin divessa an o foro Siklag van, his o foro paash oun rhačedo. I Amalekarya peran dren an o them Negev oun ninna an o foro Siklag.