1. Samuel 28:23 - O Debleskro Lab 2024 (Sinte-Manouche)

²³ Yob kamas gar oun penas: “Me kamau gar te rhal!” Kote rakran leskre boudepangre oun koy djouvel ap leste dren. Oun yob shounas ap lende, oun yob stas foun i phoub pre, oun beshas pes ap o čiben.

O Debleskro Drom 2021 (Sinte)

²³ Job kamas gar un penas: “Me kamau gar te chal!” Kote rakran leskre budepangre un koi djuwel ap leste dren. Un job shunas ap lende, un job stas fun i phub pre, un beshas pes ap o tchiben.

1. Samuel 28:23 Iomraidhean Croise

1. Rajengro liil 21:4

Kote djas o Ahab an peskro kheer, doukedo oun rhoyedo pral ko lab, hoy o Nabot dran Yesreel ap leste rakras, har penas lo: “Me dau tout kova gar, hoy mire phourendar lom pal lengro merepen.” Oun o Ahab čivas pes ap peskro čiben, oun čivas peskro mouy ap i vavar rig, oun rhas či.

2. Rajengro liil 4:8

His i dives, kay djas o Elisa an o gab Shounem. Koy his i braveli djouvel. Koya mangas lestar, te rhal yob pash late. Oun hako kopo, har vas yob an ko gab, djas yob pash late oun rhas koy.

2. Rajengro liil 5:13

Koy djan leskre boudepangre pash leste, rakran leha oun penan: “Maro ray, te penals ko Debleskro rakepaskro, te kress čomone, hoy pharo hi, krals tou kova gar? Kanna mangas lo toutar i tikno koova, har penas lo: Dja an ko pani oun thob tout, oun tou veh sasto. Hoske kameh kova gar te krell?”

Ester 1:6

Kote his parne oun blauete plarhte pandlo ap roupene goustria mank turme dran marmor. Troul kol plarhte his layntikre oun lole dorya. Beshepangre i heryentsa dran sonakay oun roup his kote tardo ap i kouč barrengri phoub, hoy zenelo, parno, djelto oun kalo his.

Gosewe laba 25:20

Te giveh gilya yekeske, koleskro dji rovella, palle hi kova leske, har te randjell yek i baya vin ap i shil dives, oun har te čorell yek shout an i doukepen.

Ezekiel 23:41

Oun beshan t'men ap i rayli beshepaskri. Oun glan t'mende his i rhapaskri tardo, ap kolate lačo koova his. Oun koy pashel čivan t'mer soungepaskro koova oun djet, hoy mange his.

Louka 14:23

Oun ko ray penas ap koleste: Dja vin ap i dromma glan o foro oun pash i bourra ap o them, kay menshe beshdo hi, oun pen lenge, te venn le pash mande. Rake lenge an o dji, te venn yaake boud menshe har djala an miro kheer!

Louka 24:29

Yon rikran les pale, oun penan ap leste: “Ač pash mende! I rati vella, oun vell tamlo.” Koy djas yob lentsa an o kheer,

Bičepangre 16:15

Oun yoy moukas pes peskre menshentsa te taufrell, oun mangas men zoreles oun penas: “Te patsenn t'mer, kay me ap o rayeste, o Yezouseste patsau, avenn an miro kheer oun ačenn kote!” Oun yoy mangas men o tselo djiyestar, te vas mer an lakro kheer.

2. Korintarja 5:14

O baro kamlepen, hoy o Yezous Kristo men das, bičrell men pash i menshende. Oun mer djinah, te meras yek menge, hi kova yaake, har te merans le lauter.

1. Samuel 28:22

Oun kanna, shoun tou ninna ap mande, oun mouk man toute i kotar maro te dell, te rhas, yaake te vell pale zoor an toute, te nay djas tiro drom!”