1. Samuel 27:2 - O Debleskro Lab 2024 (Sinte-Manouche)

² Yaake kras pes o David ap o drom peskre 600 (shob-sheel) morshentsa. Oun yon djan pash o baro rayeste pral o foro Gat. Leskro lab his Akish, koleskro dad his o Maok.

O Debleskro Drom 2021 (Sinte)

² Jaake kras pes o David ap o drom peskre 600 (shob-sheel) murshentsa. Un jon djan pash o baro rajeste pral o foro Gat. Leskro lab his Achish, koleskro dad his o Maoch.

1. Samuel 27:2 Iomraidhean Croise

1. Familjakro liil 12:1

Oun kolla hi i morsha, kay van pash o Davideste an o foro Siklag, an ko tsiro, kay hounte rikras yob pes dour krik o Saulestar, koleskro dad o Kish hi. Yon his zorele kourepangre, kay his pash leste an o kourepen.

1. Samuel 21:10

Oun ko rashay penas: “Men hi ko rharo o Filistarestar Goliat kate, koles tou maral an o telstouno them Elah. Leskro rharo hi an i baya dren pandlo oun hi pal o rashayeskri damdira čiddo. Te kameh les touke te lell, palle le les touke. Kek vavar rharo hi kay.” Oun o David penas: “Savo rharo dell kek douyto kopo. De les mande!”

1. Samuel 21:11

Oun ap ko dives djas o David doureder, oun nashas peske o Saulestar. Oun djas pash o Akish, ko ray pral o foro Gat.

1. Samuel 25:13

Kote penas o David ap peskre morshende: “Hakeno pandell peskro rharo troul peste!” Oun yaake kran le. Oun o David čivas peskro rharo ninna trouyel. Oun yon djan pal o Davideste: yaake 400 (star-sheel) morsha. Oun 200 (douy-sheel) ačan pale ap i platsa, te denn le pre yak.

1. Samuel 30:8

Oun o David poučas o baro Deblestar oun penas: “Lap me kol marepangren palla? Oun taprau len me palle?” Oun o baro Devel penas ap leste: “Le len palla! Oun tou tapreh len oun leh i pandlen dran lengre vasta vin!”

1. Samuel 30:9

Kote djas o David lenge palla khetne kol shob-sheel morshentsa, kay pash leste his. Oun har van le pash ko lengsto pani, hoy kharell Besor, ačan lendar douy-sheel morsha pale. Kolla his yaake khino, te nay djan le gar pral ko pani vergel. Kol vavar star-shelentsa nashas o David doureder oun las i Amalekaryen palla.