1. Samuel 26:8 - O Debleskro Lab 2024 (Sinte-Manouche)

⁸ Oun o Abishay penas ap o David: “Kava dives das o Devel tout koles an tiro vast, kay kamell tout te marell. Yaake mouk man leskro vitsepaskro čouri te lell, oun les an i phoub te dell. Yek dap hi doha. I douyto kopo hounte dap me gar bouder čourye.”

O Debleskro Drom 2021 (Sinte)

⁸ Un o Abishai penas ap o David: “Kau diwes das o Dewel tut koles an tiro wast, kai kamell tut te marell. Jaake muk man leskro witsepaskro tchuri te lell, un les an i phub te dell. Jek dap hi doha. I duito kopo hunte dap me gar buder tchurje.”

1. Samuel 26:8 Iomraidhean Croise

2. Samuel 16:9

O Abishay, koleskri day i Serouya his, penas ap o baro rayeste: “Miro ray, nay praasell kava moulo djouklo tout, o baro rayes? Me kamau pash leste te djal, te dap leskro shero tele.”

Debleskri gili 31:8

Miro dji sal oun me stau i barhtyatar pral tiro lačepen. Tou dikal, har mange djoungeles djas, oun djinal, har pharo miro djipen his.

Jeremia 40:15

Kote penas o Yohanan čorrhanes ap o Gedalya: Mouk man te djap koy, te marap o Ismael. Kek hounte djinell, koon kova kras! Mer kamah gar, te dell lo tout moulo. Palle nay ačans i tsele menshe dran o them Youda, kay kate pash toute hi, bouder gar khetne, oun hounte djivans pale kate te kote! Oun kolla, kay pral ačans an o them Youda, vans maredo!

Nahum 1:9

T'mer hadenn t'men pral o baro Debleste. Hoske? Yob dell t'men yek dap, te merenn halauter. Koy bibarht vell gar i douyto kopo.

Remarja 11:32

O Devel moukas i tsele menshen i tsiro, kay shounan le gar ap leste, te nay vell lo lauterenge lačes.

5. Mose 32:30

Har nay las yek lourdo i zero (1.000) Israelitaryen palla? Har nay tradan douy lourde deesh-zerya (10.000) Israelitaryen yaake, te nashan le penge i daryatar? Kova vas, har o baro Devel, lengro rikepaskro, len an kolengre vasta das.

Josua 21:44

Oun o baro Devel kras, te vell len kek kourepen kol thementsa troul lende, yaake har lo pes glan lengre phourende sovel das, te krell lo kova. Oun kek, kay kamas pes lentsa te kourell, vas zorleder har yon. Kolen lauteren das o baro Devel an lengro vast.

Čačepangre 1:4

Oun i morsha dran o kheer Youda djan pre, oun o baro Devel das i Kanaanitaryen oun i Perisaryen an lengro vast. Oun pash o foro Besek maran le 10.000 (deesh-zerya) morsha.

1. Samuel 23:14

Oun o David ačas an o moulo them, oun khatras pes an i berge pash o foro Sif. Oun o Saul rodas les o tselo tsiro. Oun o Devel das o Davides gar an leskro vast.

1. Samuel 24:4

Har vas o Saul pash kol bakrengre platse, kay ap o drom his, dikas lo i grotta, djas koy dren ap i rig. Oun o David oun leskre morsha his doureder palla an koy grotta.

1. Samuel 24:5

Kote penan o Davideskre morsha ap leste: “Kava hi o dives, kolestar o baro Devel ap toute penas: Me dau koles, kay touke čilačepen kamell, an tiro vast, te nay kress tou leha har tou kameh.” Oun o David stas pre oun činas čorrhanes i kotar dran o Sauleskri baya tele.

1. Samuel 26:23

O baro Devel dell lačepen hakeneste, kay ap leste rikrella, oun an o čačepen djivella. Kava dives das lo tout an miro vast, oun me kamom tout gar te doukrell – tout, ko vi-rodedes o baro Deblestar.

1. Samuel 26:7

Oun an i rat djan le tele oun van ap kolengri platsa. Oun o Saul his mashkral čiddo oun sovas. Oun leskro vitsepaskro čouri his pash leskro shero an i phoub dino. Oun o Abner oun i tsele lourde his troul lende čidde.

1. Samuel 26:9

O David penas: “Na-a, ma de les moulo! Koon hadell o vast pre ap koleste, koles o baro Devel peske vin rodas, kova lell peskri phagi.”