1. Samuel 26:4 - O Debleskro Lab 2024 (Sinte-Manouche)

⁴ bičras lo morshen vin, te hatsenn le boudeder vin. Oun kolla van pale oun penan leske, te vas o Saul čačepah an o moulo them.

O Debleskro Drom 2021 (Sinte)

⁴ bitchras lo murshen win, te hatsenn le budeder win. Un kolla wan pale un penan leske, te was o Saul tchatchepah an o mulo them.

1. Samuel 26:4 Iomraidhean Croise

Mateo 10:16

Djinenn, me bičrau t'men har bakre mank i divye djouklende. Doleske venn gosevo har i sapa oun djoudjo har i parne čirkle, an kolende kek rhorhepen hi!

Josua 2:1

Oun har yon ap i platsa Shittim his, bičras o Yosua, koleskro dad o Noun hi, čorrhanes douy morshen vin oun penas ap lende: “Djan oun dikenn, har zorelo o them hi, ninna o foro Yericho!” Koy djan le oun van an i kheer, kay i loubni djivas. Koya kharas Rahab. Oun yon djan dren, te ačenn le kote pral i rat.

1. Samuel 26:3

Oun o Saul ačas lentsa pash o drom ap koy berga Hakila, hoy ap i vavar rig o forestar Yeshimon hi. Oun o David his an o moulo them. Oun har yob shounas, te vas o Saul leske an o moulo them palla,

1. Samuel 26:5

Oun o David kras pes ap o drom, oun vas kote, kay o Saul peskre lourdentsa hi. Oun o David dikas koy platsa, kay o Saul pes tele čivas, te sovell lo. Oun pash o Saul his o pralstouno pral i lourdende čiddo. Leskro lab hi Abner, koleskro dad hi o Ner. Kol douy his mashkral ap i platsa čiddo, oun i tsele lourde his troul lende čidde.