1. Samuel 26:10 - O Debleskro Lab 2024 (Sinte-Manouche)

¹⁰ Palle penas lo: “Me dau man sovel pash o djido Debleste: Yob kokres marell les, nay vell ap leskro tsiro, kay hounte merell lo, nay vell an o marepen.

O Debleskro Drom 2021 (Sinte)

¹⁰ Palle penas lo: “Me dau man sowel pash o djido Debleste: Job kokres marell les, nai well ap leskro tsiro, kai hunte merell lo, nai well an o marepen.

1. Samuel 26:10 Iomraidhean Croise

1. Mose 47:29

Har ko tsiro vas, kay merell lo, kharas yob peskro čaves, o Yosef, oun penas ap leste: “Ab mange lačo, de tiro vast koy pre, kay rikreh tiro lab: Paske man gar an o them Egiptia!

Hiob 14:14

Te merell i mensho, vell lo palle pale djido? Palle bistroms, har djoungeles mange kanna djal, oun dikoms ap ko tsiro, kay mange feteder djal.

Hiob 14:5

Tou penal, har phouro i mensho vell, kitse čonna yob djivell. Oun penal, ap havo dives leskro djipaskro tsiro trouyel hi.

Hiob 7:1

I menshe hounte boudrenn phares ap kay phoub. Pengro tselo djipen marenn le pen tele har i boudepangre, kay venn haki rati playsedo.

Debleskri gili 37:10

An i tikno tsiro hi o čilačo bouder gar koy. Oun kote, kay yob djivas, hatseh les bouder gar.

Debleskri gili 37:13

O baro Devel sal pral leste, yob dikell leskro dives te vell.

Debleskri gili 94:23

Yob moukell lengro midjak koova ap lende pale te perell, oun dran lengro čilačepen marell lo len. Ava, maro baro Devel marell len!

Sikepaskro 3:2

Yek tsiro hi koy, kay o mensho boldo vella, oun yek tsiro hi koy, kay o mensho merella; yek tsiro, kay čivah zenlepen an i phoub, oun yek tsiro, kay vell ko zenlepen pale vin tserdedo.

Louka 18:7

Har boud feteder hi o Devel! Patsenn t'mer gar, te vell lo ap i rig peskre vi-rodede menshendar, kay dives oun rati ap leste gole denna? Ava, yob vell ap lengri rig oun dell len lengro čačepen. Lell lo pes boud tsiro, te vell lo ap lengri rig?

Remarja 12:19

Mire kamle phrala oun phenya, ninna te kras yek t'menge čilačo koova, ma denn leske pale! Moukenn les! O Devel dell les i phagi. An o Debleskro lab hi činlo: O Devel penas: Me dau len pale. Me dau len i phagi.

5. Mose 31:14

O baro Devel penas ap o Mose: “Tire divessa van, te hounte meress: De o Yosua gole, oun ab khetne leha pash o Debleskro plarhteno kheer, te čivap les dren an leskri boudi.” Oun o Mose oun o Yosua djan dren an o Debleskro plarhteno kheer,

5. Mose 32:35

Yob penell: Me hom kova, kay dau len halauter ap lengro shero pale an ko tsiro, kay trissenn lengre herya. Gar dour hi o dives, kay vell lengri bibarht pral lende. Oun kova, hoy ap lende vell, kova vell sikepah.

Hebrearja 10:30

Mer djinah, kay o Devel penas: Me dau len ko čilačepen pale, hoy yon kran. Miri rholi vell ap lende. Oun pale hi činlo: O Devel rakrell o čačepen pral peskre menshende vin.

Hebrearja 9:27

Oun yaake har i tsele menshe hounte merenna yek kopo, oun palle rakrell o Devel o čačepen pral lende vin,

Debleskro tsiro 18:8

Doleske vell i tseli bari bibarht ap yek kopo pral ko foro: merepen, ropen, oun bok. Oun i yag rhačrella ko foro pre. Zorelo hi o Devel, maro ray, kay rakrell pral i menshen an o foro o čačepen vin, oun dell len i čači phagi.

1. Samuel 24:12

Miro dad, dik kava kotar dran tiri baya an miro vast! Me činom les dran tiri baya tele, oun dom tout gar moulo. Ap kova nay dikeh oun hayveh, te hom kek phoukepaskro oun kamau tout kek čilačepen te krell. Tou leh man palla te dess man moulo, ninna te krom touke či.

1. Samuel 24:15

Kones leh tou, o baro ray pral o Israel, palla? Koneske tradeh tou palla? Man, kay hom har i moulo djouklo, či vavar har yek poushoum!

1. Samuel 25:26

Oun kanna, miro ray, me dau man sovel glan o djido Debleste oun glan toute: O baro Devel rikras tout pale, te aness tou rat ap toute oun dess tiro vasteha pale, hoy o Nabal ap toute kras. Kamau, te djal lauterenge, kay kamenn tout čilačepen, yaake har o Nabaleske!

1. Samuel 25:38

Oun pal deesh divessa, kote das o baro Devel o Nabales, oun yob meras.

1. Samuel 25:39

Oun har o David shounas, te meras o Nabal, penas lo: “Sharedo vell o baro Devel, kay i ladj, hoy o Nabal ap mande anas, ap leste pale anas. Oun man, peskro boudepaskres, rikras lo pale, te krap i čilačo koova. Oun ko čilačo koova, hoy o Nabal kras, moukas o baro Devel ap leskro shero pale te perell.” Oun o David bičras morshen pash i Abigayil, oun moukas lake te penell, te kamell lo lat te romedinerell.

1. Samuel 31:4

Oun yob penas ap koleste, kay leskro kourepaskro koova hidjrell: “Le tiro rharo oun de man moulo, yaake te venn gar kalla pash mande, kay gar činle hi ap pengro mass, oun denn man moulo, oun krenn mantsa, hoy yon kamenn!” Oun ko lourdo, kay leskro kourepaskro koova hidjrell, kamas gar. Les his bari daar. Kote las o Saul o rharo, oun moukas pes an leste perell.

1. Samuel 31:6

Yaake meras o Saul oun leskre triin čave, oun leskro hidjepaskro lourdo, oun kol tsele morsha, kay pash leste his, ap ko yek dives.