1. Samuel 25:7 - O Debleskro Lab 2024 (Sinte-Manouche)

⁷ Me shounom, te moukeh o bal tire bakrendar te činell. Oun me kamau, te djiness, te his tire morsha, kay ap i bakre yak denna, mentsa khetne ap i berga Karmel. Oun mer kram len či. Oun ko tselo tsiro, kay le mentsa khetne his, nashran le kek firhes.

O Debleskro Drom 2021 (Sinte)

⁷ Me shunom, te mukeh o bal tire bakrendar te tchinell. Un me kamau, te djiness, te his tire mursha, kai ap i bakre jak denna, mentsa khetne ap i berga Karmel. Un mer kram len tchi. Un ko tselo tsiro, kai le mentsa khetne his, nashran le kek vieches.

1. Samuel 25:7 Iomraidhean Croise

2. Samuel 13:23

Pal douy bersha moukas o Absalom i bakren te činell an Baal-Hazor. Kova hi pash o foro Efrayim čiddo. Oun o Absalom kamas kote i baro rhapen te krell, oun kamas, te venn kol tsele morsh čaven o baro rayestar pash peste.

2. Samuel 13:24

Oun yob vas pash o baro rayeste oun penas: “Miro baro ray, me moukau i bakren te činell, oun kamau i baro rhapen te krell. Ab tou oun tire pralstoune pash mande, te rhas oun piyas khetne.”

Louka 3:14

Ninna i lourde poučan lestar: “Har hi mentsa? Hoy te kras mer?” Lenge penas lo: “Ma krenn kekeske čilačo koova, oun lenn kekestar love i zoryah! Kol love, hoy playsrenn i pralstoune t'menge, kol love moukenn t'menge doha te vell!”

Filiparja 2:15

Yaake djivenn t'mer, har mishto hi. Oun kek hatsell i doosh ap t'mende. T'mer han o Debleskre čave, oun djivenn mashkral kol menshende, kay hi čilačo oun nashran pen an boud dinelo koova. Mashkral kolende han t'mer har i momlia an i rati,

Filiparja 4:8

Pale penau t'menge, mire phrala, rakrenn pral kova, hoy lačo oun čačo hi, hoy djoudjo hi, hoy kamlo hi, hoy mishto hi pash i menshende! Ava, rakrenn pral lauter kova, hoy shoukar hi oun vell sharedo!

1. Samuel 22:2

Oun ninna van pash leste khetne boud vavar morsha. Mank lende his save, kay his palla-lino. Vavaren his siyaan, hoy nay playsran le gar. Vavaren his i pharo dji. Oun yob vas lengro pralstouno. Kolla lauter his yaake 400 (star-sheel) morsha.

1. Samuel 25:21

An o Davideskro dji his rholi oun yob penas peske: “Čačepah dom ko tselo tsiro čičeske yak ap ko tselo koova, hoy ko morshes hi an o moulo them, yaake te vas kek firho lestar krik. Oun yob dell man čilačepen pale, koleske, hoy leske lačes krom.