1. Samuel 25:2 - O Debleskro Lab 2024 (Sinte-Manouche)

² Kote his i morsh an o foro Maon. Koles his i baro bravlepen. Les his 3.000 (triin-zerya) bakre oun 1.000 (yek seri) bouzya. Leskri phoub oun leskre firhe his pash o foro Karmel. Oun kote his yob, har o bakrengro bal činlo vas.

O Debleskro Drom 2021 (Sinte)

² Kote his i mursh an o foro Maon. Koles his i baro brawlepen. Les his 3.000 (triin-serja) bakre un 1.000 (jek seri) busja. Leskri phub un leskre vieche his pash o foro Karmel. Un kote his job, har o bakrengro bal tchinlo was.

1. Samuel 25:2 Iomraidhean Croise

1. Mose 13:2

O Abram his bravelo: Les his boud firhe, roup oun sonakay.

1. Mose 26:13

Oun o Isaak vas bravelo oun bravleder, oun les his i baro bravlepen:

1. Mose 31:19

Glan lengro naashepen, har his o Laban vin, te činell lo o bal peskre bakrendar, čoras i Rachel i khereskre deblen, hoy lakro dad an-mangell. Oun yoy las len peha.

1. Mose 32:14

Oun o Yakob ačas i rati koy. Oun las i firhendar, hoy pash leste his, te dell lo len peskro phraleste Esau:

1. Mose 38:13

Oun vas penlo ap i Tamar: “Ake, tiro romeskro dad djal an o foro Timna, te činell yob i bal peskre bakrendar.”

2. Samuel 19:32

Oun o Barsillay dran Gilead vas tele dran o gab Roglim pash o baro rayeste, te djal lo khetne leha ap i vavar rig o panyestar Yordan.

Hiob 1:3

Ninna his les boud firhe: 7.000 (efta-zerya) bakre oun 3.000 (triin-zerya) khamele, oun yek zerya groumya, kolendar hako kopo douy khetne boudran, oun 500 (panč-sheel) djouvelkane bourike. Oun les his boud boud boudepangre. Kek mensho his bravleder har o Hiob an ko them, hoy hi kote čiddo, kay o kham pral djal.

Hiob 42:12

Oun o baro Devel čivas boudeder barht ap o Hiob har glan kova. Oun yob las 14.000 (deesh-te-star-zerya) bakre oun 6.000 (shob-zerya) khamele oun 2.000 (douy zerya) groumya oun 1.000 (yek zero) bourike.

Debleskri gili 17:14

Baro Devel, tiro vasteha le man vin dran o vast kol menshendar, kay djivenn i phoubyake. Lengro bravlepen lenn yon an kava djipen! Tou kreh lengro per pherdo ko koova, hoy tou lenge deh. Ninna lengre čave venn čalo, oun moukenn pral pengre čavenge.

Gosewe laba 30:22

Tel i boudepaskro, kay i baro ray vas; oun tel i narvelo, kay bravelo vas;

Josua 15:55

Ninna kol forya Maon, Karmel, Sif, Youtta,

1. Samuel 15:12

Oun o Samuel stas sik taysarlakro pre, te djas lo pash o Saul. Oun leske vas penlo, te vas o Saul an o foro Karmel, oun moukas peske kote barra pre te čivell, hoy sikrenn, te vas yob o zorleder pral i Amalekarya. Oun o Samueleske vas ninna penlo, te djas o Saul doureder oun vas tele an o foro Gilgal.

1. Samuel 23:24

Oun i morsha djan pale an Sif. Oun o Saul djas pal lende. O David oun leskre morsha his an o moulo them Maon an i tala, hoy vergel Yeshimon hi.

1. Samuel 30:5

Ninna kol douy romya o Davidestar van pandlo krik lino, i Ahinoam dran Yesreel oun i Abigayil, kay his i romni o Nabalestar dran Karmel.