1. Samuel 24:12 - O Debleskro Lab 2024 (Sinte-Manouche)

¹² Miro dad, dik kava kotar dran tiri baya an miro vast! Me činom les dran tiri baya tele, oun dom tout gar moulo. Ap kova nay dikeh oun hayveh, te hom kek phoukepaskro oun kamau tout kek čilačepen te krell. Tou leh man palla te dess man moulo, ninna te krom touke či.

O Debleskro Drom 2021 (Sinte)

¹² Miro dad, dik kau kotar dran tiri baja an miro wast! Me tchinom les dran tiri baja tele, un dom tut gar mulo. Ap kowa nai dikeh un haiweh, te hom kek phukepaskro un kamau tut kek tchilatchepen te krell. Tu leh man palla te dess man mulo, ninna te krom tuke tchi.

1. Samuel 24:12 Iomraidhean Croise

1. Mose 16:5

Koy penas i Saray ap o Abram: “Kay bibarht, hoy man hi, hi tiri doosh. Me dom tout miri boudepaskretsa, te vell li tiri romni. Kanna, kay yoy hayvella, kay vell li day, hom me bouder či moldo an lakre yaka. O baro Devel mou vell miro čačepaskro ray.”

1. Mose 31:53

Ko Devel, kay hi o Abrahameskro Devel oun o Nahoreskro Devel, kova mou dell koles i phagi, kay rikrell pes gar ap kova.” Yaake das pes o Yakob sovel ap ko Debleste, kay leskro dad Isaak daras lestar.

2. Samuel 22:48

oun kras man zorleder har kolla, kay kouran pen mantsa, oun vitsras i menshen dran vavar themma tel mande.

1. Familjakro liil 12:18

Oun o David djas pash lende vin, oun penas ap lende: “Van t'mer an o kamlepen pash mande, te rikrenn pash mande, palle hi miro dji t'mentsa yek! Te van te phoukrenn ap mande pash kolende, kay kamenn man te marell, palle mou dikell o Devel mare dadendar koy pal, oun mou dell t'men i phagi. Yob djinell, kay krom kek čilačo koova.”

Hiob 5:8

Te djals mange har touke, rodoms o Debles, oun anoms miro koova glan leste.

Debleskri gili 35:1

I gili o Davidestar. Baro Devel, le miro koova an tiro vast oun činge kolentsa, kay mantsa čingrenna! Koure tout kolentsa, kay kourenn pen mantsa!

Debleskri gili 43:1

Miro Devel, kre te lap miro čačepen! Le miro koova an tiro vast, oun rake mange lačes pash kol menshende, kay kamenn či toutar te djinell! Le man vin dran o vast i rhorhenendar oun čilačendar!

Debleskri gili 94:1

Baro Devel, tou hal o Devel, kay o čilačepen pale deh kolenge, kay vavaren čilačepen kran. Ab, oun sike tout!

Remarja 12:19

Mire kamle phrala oun phenya, ninna te kras yek t'menge čilačo koova, ma denn leske pale! Moukenn les! O Devel dell les i phagi. An o Debleskro lab hi činlo: O Devel penas: Me dau len pale. Me dau len i phagi.

1. Petro 2:23

Te čingran le ap leste, čingras yob gar pale. Te dan le les, das lo len gar trad. Na-a, yob čivas pes an o Debleskre vasta. Oun o Devel hi o čačepaskro ray, kay djal pal o čačepen.

Debleskro tsiro 6:10

Oun dan zoreles gole oun penan: “Baro Devel oun čačo ray, ab sik oun rake i phagi vin pral kolende ap i phoub, kay maran men. De len ko čilačepen pale, hoy yon ap mende kran!”

Čačepangre 11:27

Na-a, me krom kek čilačepen ap toute. Tou kameh mange čilačepen. Tou veh te maras men! O baro Devel, kay o čačepaskro ray hi, kava dives mou krell lo o čačepen mank mende vin, mank o Israel oun i Ammonarya!”

1. Samuel 20:1

Oun o David nashas krik kol kherendar, kay o Debleskre rakepangre djivenn an o foro Rama, oun djas pash o Yonatan, oun poučas lestar: “Hoy krom me? Havi doosh anom me ap mande? Hoy krom me tiro dadeske, te rodell lo man, te dell lo man moulo?”

1. Samuel 24:15

Kones leh tou, o baro ray pral o Israel, palla? Koneske tradeh tou palla? Man, kay hom har i moulo djouklo, či vavar har yek poushoum!

1. Samuel 26:23

O baro Devel dell lačepen hakeneste, kay ap leste rikrella, oun an o čačepen djivella. Kava dives das lo tout an miro vast, oun me kamom tout gar te doukrell – tout, ko vi-rodedes o baro Deblestar.