1. Samuel 23:9 - O Debleskro Lab 2024 (Sinte-Manouche)

⁹ Har o David hayvas, te hi o Saules čilačepen an o dji oun kamas ap leste te djal, penas lo ap o rashayeste Abyatar: “An mange o rashayeskri damdira kay!”

O Debleskro Drom 2021 (Sinte)

⁹ Har o David haiwas, te hi o Saules tchilatchepen an o dji un kamas ap leste te djal, penas lo ap o rashajeste Abjatar: “An mange o rashajeskri damdira kai!”

1. Samuel 23:9 Iomraidhean Croise

1. Rajengro liil 2:26

Oun ap o rashayeste Abyatar penas o baro ray: “Dja an o foro Anatot, kote kay tiri phoub hi. Ninna te hounte merals, kamau tout kava dives gar te marell. Tou hidjral ko morhton, kay o Debleskre laba dren hi, glan miro dadeste, o David. Oun tou rikral vin khetne miro dadeha, kol tsele douka, hoy ap leste van.”

Jeremia 33:3

Khare man, palle kamau touha te rakrell, oun kamau touke baro koova te sikrell, hoy tou gar hayveh, oun kolestar či djinal.

Hosea 3:4

Yaake djal i Israelenge: I rah tsiro hi len kek ray oun kek pralstoune pral pende, oun yon anenn kek firhen o Debleske an leskro kheer. Len hi bouder kek pre-čidde barra, kek rashayeskri damdira oun kek khereskre debla, te poučenn le lendar, hoy te krenn.

4. Mose 27:21

Oun an tsirya, kay djinell lo gar, hoy te krell, hounte vell lo glan o rashayeste Elazar. Kova hounte poučell mandar oun hounte vitsrell kol Debleskre barra, te hatsell lo vin, hoy me, o baro Devel, an kava koova kamau. Yaake te sikrell o Elazar o Yosueske oun i tsele Israelenge, hoy te krenn le.”

Bičepangre 14:6

Har o Paulo oun o Barnabas kova hayvan, nashan le penge an o them Likaonia, an kol forya Listra oun Derbe.

Bičepangre 9:24

Kova vas o Sauleske penlo. I rati oun ap o dives dan i bibolde yak glan kol foreskre voudya, te taprenn le les, oun te marenn le les.

1. Samuel 10:22

Oun yon poučan o baro Deblestar: “Vas ko morsh kay?” Oun o baro Devel penas: “Yob khatras pes ap i platsa, kay i koola hi.”

1. Samuel 14:18

Kote penas o Saul ap o Ahia: “An o rashayeskri damdira kay!” An ko tsiro hidjras o Ahia koy damdira glan i Israelitarya.

1. Samuel 22:20

Kokres yek morsh, leskro lab his Abyatar – nay nashas peske. Leskro dad his o Ahimelek oun leskro papo o Ahitoub. Oun yob nashas pash o David,

1. Samuel 23:10

Oun o David rakras ap o baro Debleste: “Baro Devel, tou o Israeleskro Devel, me shounom, te hi o Saul pashel, te vell lo an o foro Kehila, oun te kamell lo lauteren kate moulo te dell doleske, kay me, tiro boudepaskro kay hom.

1. Samuel 23:6

Har nashas peske o Abyatar, koleskro dad o Ahimelek hi, oun vas pash o David an Kehila, las lo i rashayeskri damdira peha.

1. Samuel 23:8

Oun o Saul moukas peskre tsele lourden khetne gole te dell, te djan le leha tele an Kehila, oun te čivenn le pen glan o foreskro baro voudar tardo, bis te o David palle vin hounte vell.

1. Samuel 30:7

Oun yob penas ap o rashayeste, o Abyatar, koleskro dad o Ahimelek his: “An mange o rashayeskri damdira!” Oun o Abyatar anas leske o rashayeskri damdira.