1. Samuel 23:8 - O Debleskro Lab 2024 (Sinte-Manouche)

⁸ Oun o Saul moukas peskre tsele lourden khetne gole te dell, te djan le leha tele an Kehila, oun te čivenn le pen glan o foreskro baro voudar tardo, bis te o David palle vin hounte vell.

O Debleskro Drom 2021 (Sinte)

⁸ Un o Saul mukas peskre tsele lurden khetne gole te dell, te djan le leha tele an Kehila, un te tchiwenn le pen glan o foreskro baro wudar tardo, bis te o David palle win hunte well.

1. Samuel 23:8 Iomraidhean Croise

1. Rajengro liil 2:26

Oun ap o rashayeste Abyatar penas o baro ray: “Dja an o foro Anatot, kote kay tiri phoub hi. Ninna te hounte merals, kamau tout kava dives gar te marell. Tou hidjral ko morhton, kay o Debleskre laba dren hi, glan miro dadeste, o David. Oun tou rikral vin khetne miro dadeha, kol tsele douka, hoy ap leste van.”

1. Samuel 23:10

Oun o David rakras ap o baro Debleste: “Baro Devel, tou o Israeleskro Devel, me shounom, te hi o Saul pashel, te vell lo an o foro Kehila, oun te kamell lo lauteren kate moulo te dell doleske, kay me, tiro boudepaskro kay hom.

1. Samuel 23:7

Oun o Sauleske vas penlo, te vas o David an o foro Kehila. Kote penas o Saul: “Kanna, kay vas o David an i foro, koleskre bare voudya pandlo hi, pandas pes lo dren, oun o Devel das les an miro vast.”

1. Samuel 23:9

Har o David hayvas, te hi o Saules čilačepen an o dji oun kamas ap leste te djal, penas lo ap o rashayeste Abyatar: “An mange o rashayeskri damdira kay!”