1. Samuel 23:10 - O Debleskro Lab 2024 (Sinte-Manouche)

¹⁰ Oun o David rakras ap o baro Debleste: “Baro Devel, tou o Israeleskro Devel, me shounom, te hi o Saul pashel, te vell lo an o foro Kehila, oun te kamell lo lauteren kate moulo te dell doleske, kay me, tiro boudepaskro kay hom.

O Debleskro Drom 2021 (Sinte)

¹⁰ Un o David rakras ap o baro Debleste: “Baro Dewel, tu o Israeleskro Dewel, me shunom, te hi o Saul pashel, te well lo an o foro Kehila, un te kamell lo lauteren kate mulo te dell doleske, kai me, tiro budepaskro kai hom.

1. Samuel 23:10 Iomraidhean Croise

1. Mose 18:24

Te hi an ko foro 50 (paash-sheel) menshe, kay krenn, hoy mishto oun čačo hi, kameh tou kolen ninna te marell? Te hatseh kote 50 (paash-sheel) menshen, kay kek čilačepen kran, de o fores kek phagi!

Ester 3:6

An leskre yaka his kova gar doha, te taprell lo peske o Mordekay kokres. Yob kamas ninna leskre menshen te marell. Har shounas lo, kay o Mordekay i biboldo hi, rodas lo, har nay marell lo i tsele bibolden, kay djivenn an kol themma, kay o Ahasveros o baro ray hi.

Gosewe laba 28:15

I čilačo, kay hi o baro ray pral čorvele menshende, hi har i levo, hoy bares gole dell, oun har i divyo firho, hoy bokell ap peskro rhapen.

1. Samuel 22:19

Ninna an o foro Nob, kay i rashaya djivan, moukas o Saul lauteren te marell o rhareha, morshen oun djouvyen, čaven oun ternepen. Ninna i groumyen oun i bourike oun i bakre das lo o rhareha moulo.

1. Samuel 23:11

Baro Devel, tou o Israeleskro Devel, pen mange: Kal menshe, kay an kava foro Kehila djivenna, denn kolla man an o Sauleskro vast? Oun vell o Saul čačepah kay tele, yaake har me shounom?” Oun o baro Devel penas: “Ava, yob vella tele!”

1. Samuel 23:8

Oun o Saul moukas peskre tsele lourden khetne gole te dell, te djan le leha tele an Kehila, oun te čivenn le pen glan o foreskro baro voudar tardo, bis te o David palle vin hounte vell.

1. Samuel 23:9

Har o David hayvas, te hi o Saules čilačepen an o dji oun kamas ap leste te djal, penas lo ap o rashayeste Abyatar: “An mange o rashayeskri damdira kay!”