1. Samuel 22:23 - O Debleskro Lab 2024 (Sinte-Manouche)

²³ Ač pash mande oun ma dare! Yob, kay man kamell te marell, kova kamell tout ninna te marell. Kate pash mande nay krell lo tout či.”

O Debleskro Drom 2021 (Sinte)

²³ Atch pash mande un ma dare! Job, kai man kamell te marell, kowa kamell tut ninna te marell. Kate pash mande nai krell lo tut tchi.”

1. Samuel 22:23 Iomraidhean Croise

2. Samuel 9:7

Oun o David penas ap leste: “Ma traash! Me kamau lačepen ap toute te krell. Kova krau tiro dadeske Yonatan. Ko tselo bravlepen tiro papestar Saul kamau touke pale te dell. Oun tou nay rhah hako dives ap miri rhapaskri.”

1. Rajengro liil 1:7

Oun o Adoniya rakras kol douy morshentsa, o Yoab, koleskri day i Serouya his, oun o rashayeha, o Abyatar. Kolla douy rikran ap o Adoniya.

1. Rajengro liil 2:26

Oun ap o rashayeste Abyatar penas o baro ray: “Dja an o foro Anatot, kote kay tiri phoub hi. Ninna te hounte merals, kamau tout kava dives gar te marell. Tou hidjral ko morhton, kay o Debleskre laba dren hi, glan miro dadeste, o David. Oun tou rikral vin khetne miro dadeha, kol tsele douka, hoy ap leste van.”

Mateo 24:9

Palle taprenn le t'men, denn t'men dava, oun marenn t'men. Oun i menshe an i tsele themma venna rhoyedo ap t'mende doleske, kay patsenn t'mer ap mande.

Johanni 15:20

Rikrenn an t'maro shero, hoy me t'menge penom: I boudepaskro hi gar bareder har leskro ray. Lan man yon palla, lenn yon t'men ninna palla. Te shounan yon ap kova, hoy me lenge penom, shounenn yon ninna, hoy t'mer lenge penenna.

Johanni 17:12

Yaake rah har me pash lende homs, dom garda ap lende an tiri zoor, kay tou man dal. Me rikrom len, te djan yon gar krik toutar. Kek lendar djas nashedo. Yek kokres djas nashedo, yaake te vas čačo, hoy lestar činlo vas.

Johanni 18:9

Kova penas o Yezous, te vell čačo, hoy yob glan-vi penas: “Tata, me nashrom kekes kolendar, kay tou man dal.”

1. Samuel 23:17

Oun o Yonatan penas ap o David: “Ma dare, miro dadeskro vast nay hatsell tout gar. Tou veh o baro ray pral o Israel. Oun me vau o douyto pal toute. Oun ninna miro dad, o Saul, djinell kova mishto.”