1. Samuel 22:18 - O Debleskro Lab 2024 (Sinte-Manouche)

¹⁸ Kote penas o baro ray ap o Doeg: “Ab tou, oun de len moulo!” Oun o Doeg, ko Edomari, vas glan oun das kol rashayen moulo. Oun ap ko dives meran 85 (orhta-deesh te panč) morsha, kay an i rashayengri layntikri damdira rido his.

O Debleskro Drom 2021 (Sinte)

¹⁸ Kote penas o baro rai ap o Doeg: “Ab tu, un de len mulo!” Un o Doeg, ko Edomari, was glan un das kol rashajen mulo. Un ap ko diwes meran 85 (ochta-deesh te pantch) mursha, kai an i rashajengri laintikri damdira rido his.

1. Samuel 22:18 Iomraidhean Croise

2. Familjakro liil 24:21

Koy rakran le pen mank pende tele, te marenn le les, oun vitsran les i barrentsa moulo ap i glanstouni platsa glan o baro Debleskro kheer. Yaake penas les lenge o baro ray, o Yoash.

Debleskri gili 78:64

I rashaya van maredo o rhareha, oun lengre romya nay rovan gar pral pengre moule romende.

2. Mose 28:40

Ninna o Aroneskre čavenge kre gada, pereskre pandepangre oun rashayengre stadja, hoy raylo oun shoukar hi.

Gosewe laba 24:15

Ma loure har i čilačo ap o kheer kolestar, kay an o čačepen tardo hi! Ma de koy platsa khetne, kay čivell lo pes sopaske!

Hosea 5:11

O Efrayim las pes glan, te nashell lo i rhorhene deblenge palla. Doleske vell lo kanna tele rikedo. Oun leskro čačepen vell i pirentsa stakedo.

Hosea 7:3

Pengro čilačepah krenn le o baro rayes barhtelo, oun pengro rhorhepah i pralstunen.

Micha 6:16

Ko čilačo koova, hoy kol raya, o Omri oun o Ahab, t'menge glan kran, kova kran t'mer ninna. Oun hoy yon penan, kova kran t'mer ninna. Doleske krau me dran t'maro foro i moulo foro. Oun pral t'mende, kay kote djivenn, san i vavar menshe. Bari ladj vell pral t'mende.

Zefanja 3:3

Lengre pralstoune hi har leve, kay denn i bari gole. Lengre čačepangre morsha hi har divye djoukle an i rati, kay rhan lauter, hoy maran le, oun moukenn či pral o vavar diveske.

1. Samuel 2:18

Oun o Samuel his o baro Debleske koy. Kava čavo his rido an i rashayeskri layntikri damdira.

1. Samuel 2:28

Dran i tsele familye, kay venna kol deesh-te-douy Israeleskre čavendar, rodom me o kheer Aron vin, te venn kol morsha rashaya mange, te rhačrenn le mange firhen ap miri rhačepaskri, ninna te rhačenn le mange soungepaskro koova. Me dom len i rashayengre damdira, te rivenn le len, te venn le glan mande. Ninna dom len o čačepen, te rhan le ko massestar, hoy mange rhačedo vella.

1. Samuel 2:36

Kova, kay dran tiro kheer pral ačas, vell palle pash leste oun vitsrell pes tele glan leste, te mangell lo peske i roupeni bema oun i kotar maro lestar, oun penell ap leste: “Mouk man rashayengre boudi te krell, te vell man i kotar maro te rhal.”