1. Samuel 22:16 - O Debleskro Lab 2024 (Sinte-Manouche)

¹⁶ “Ahimelek”, penas o baro ray, “tou hounte meress, tou oun tiro dadeskro tselo kheer!”

O Debleskro Drom 2021 (Sinte)

¹⁶ “Ahimelech”, penas o baro rai, “tu hunte meress, tu un tiro dadeskro tselo kheer!”

1. Samuel 22:16 Iomraidhean Croise

1. Rajengro liil 18:4

Oun an ko tsiro, kay i Isebel o baro Debleskre rakepangren kamas te marell, las o Obadya sheel lendar oun khatras len, i paash-sheel an kay grotta oun i paash sheel an koy grotta, oun anas lenge maro oun pani, te rhan le oun piyenn le.

1. Rajengro liil 19:2

Kote bičras i Isebel i bičepaskres pash o Eliya oun moukas leske te penell: “I debla mou denn man i bari phagi, te krom gar touha taysar an kava tsiro, hoy tou kral lentsa.”

Ester 3:6

An leskre yaka his kova gar doha, te taprell lo peske o Mordekay kokres. Yob kamas ninna leskre menshen te marell. Har shounas lo, kay o Mordekay i biboldo hi, rodas lo, har nay marell lo i tsele bibolden, kay djivenn an kol themma, kay o Ahasveros o baro ray hi.

Gosewe laba 28:15

I čilačo, kay hi o baro ray pral čorvele menshende, hi har i levo, hoy bares gole dell, oun har i divyo firho, hoy bokell ap peskro rhapen.

Daniel 2:12

Kote vas o baro ray yaake rhoyedo, te penas lo, te venn i tsele sikle morsha maredo an o them Babilonia.

Daniel 2:5

O baro ray penas ap lende: “Hi yaake har penom: T'mer hounte penenn mange i souni, oun hoy koya kamell te penell. Te krenn t'mer kova gar, palle moukau me t'men an kotya te činell, oun t'mare khera tele te phagell.

Mateo 2:16

I goseve morsha djan ap i vavar drom an pengro them, oun van gar pash o Herodeste pale. Har yob kova hayvas, vas i bari rholi ap leste. Oun yob bičras lourden an o foro Betlehem oun an i gaba trouyel, te marenn le kol tsele morsh čaven, kay douy bersha oun terneder hi. Kol douy bersha his ko tsiro, kay i goseve morsha leske penan, te vas o čavo boldo bis ko dives.

Bičepangre 12:19

Har o Herodes penas, te vell o Petro vin anlo, oun yob bouder gar koy his, moukas lo les te rodell. Oun yon hatsan les gar. Koy poučas lo i lourdendar, kay dan yak glan o voudar, har vas nay o Petro vin. Oun palle moukas yob kolen te marell. Palle djas o Herodes dran o them Youdea, oun vas an o foro Cesarea, oun ačas i tsiro kote.

5. Mose 24:16

I dada venn gar maredo koleske, hoy lengre čave kran. Oun i čave venn gar maredo koleske hoy lengre dada kran. Hakeno, kay kras savo čilačo koova, koleske yob merell hounte, kova vell peskri doshake maredo.

1. Samuel 14:44

Oun o Saul penas: “O Devel nay dell man i phagi, te moukau tout te djivell!”

1. Samuel 20:31

Yaake rah har o Isayeskro čavo ap kay phoub djivella, yaake rah hounte daress tou tiro djipaske, oun veh gar o baro ray. Kanna biče yekes koy, te anell lo les pash mande. Yob hounte merell.”

1. Samuel 22:15

Ko dives his gar o ersto kopo, kay poučom o Debles leske! Savo koova krau me gar, te phoukrap ap toute! Miro baro ray, ma čip savi phari doosh ap mande, vitar gar ap miro dadeskro kheer. Me djinom kolestar lauterestar gar či.”

1. Samuel 22:17

Oun o baro ray Saul penas ap kol lourdende, kay troul leste tardo hi: “Djan ap lende oun denn kal rashayen o baro Deblestar moulo. Lengre vasta his o Davideha. Yon djinan, te hi lo ap o naashepen oun penan kova mange gar.” Kol morsha kaman gar o baro Debleskre rashayen an-taprell oun kaman len gar moulo te dell.