1. Samuel 22:10 - O Debleskro Lab 2024 (Sinte-Manouche)

¹⁰ Oun kova poučas o baro Deblestar leske, das les maro; oun ko rharo ko Filistarestar Goliat das lo les ninna.”

O Debleskro Drom 2021 (Sinte)

¹⁰ Un kowa putchas o baro Deblestar leske, das les maro; un ko charo ko Filistarestar Goliat das lo les ninna.”

1. Samuel 22:10 Iomraidhean Croise

4. Mose 27:21

Oun an tsirya, kay djinell lo gar, hoy te krell, hounte vell lo glan o rashayeste Elazar. Kova hounte poučell mandar oun hounte vitsrell kol Debleskre barra, te hatsell lo vin, hoy me, o baro Devel, an kava koova kamau. Yaake te sikrell o Elazar o Yosueske oun i tsele Israelenge, hoy te krenn le.”

1. Samuel 10:22

Oun yon poučan o baro Deblestar: “Vas ko morsh kay?” Oun o baro Devel penas: “Yob khatras pes ap i platsa, kay i koola hi.”

1. Samuel 21:10

Oun ko rashay penas: “Men hi ko rharo o Filistarestar Goliat kate, koles tou maral an o telstouno them Elah. Leskro rharo hi an i baya dren pandlo oun hi pal o rashayeskri damdira čiddo. Te kameh les touke te lell, palle le les touke. Kek vavar rharo hi kay.” Oun o David penas: “Savo rharo dell kek douyto kopo. De les mande!”

1. Samuel 22:11

Kote bičras o baro ray Saul morshen koy, oun moukas o rashayes, o Ahimelek, koleskro dad o Ahitoub hi, pash peste gole te dell, ninna leskro tselo dadeskro kheer, i tsele rashaya dran Nob. Oun yon van lauter glan o baro rayeste.

1. Samuel 22:13

Oun o Saul penas: “Hoske čivan t'men khatar mande khetne, tou oun o Isayeskro čavo, yaake te dal tou les maro oun i rharo, oun poučal o Debles leske, hoy lo hounte krell? Doleske nay hadell lo pes kanna ap mande oun lell man palla, yaake har kava dives hi.”

1. Samuel 22:15

Ko dives his gar o ersto kopo, kay poučom o Debles leske! Savo koova krau me gar, te phoukrap ap toute! Miro baro ray, ma čip savi phari doosh ap mande, vitar gar ap miro dadeskro kheer. Me djinom kolestar lauterestar gar či.”

1. Samuel 23:12

Oun o David poučas les pale: “Denn kalla, kay kate an Kehila djivenn, man oun kol morshen, kay pash mande hi, an o Sauleskre vasta?” Oun o baro Devel penas: “Ava, yon denn tout an leskre vasta!”

1. Samuel 23:2

Kote poučas o David o baro Deblestar: “Djap me pre ap kol Filistarya?” Oun o baro Devel penas: “Dja ap lende! Tou mareh len oun leh o foro Kehila dran lengre vasta vin.”

1. Samuel 23:4

Kote poučas o David gomme i douyto kopo o baro Debles, oun o baro Devel penas: “Ste pre oun dja an Kehila! Me kamau t'men i Filistaryen an t'maro vast te dell!”

1. Samuel 30:8

Oun o David poučas o baro Deblestar oun penas: “Lap me kol marepangren palla? Oun taprau len me palle?” Oun o baro Devel penas ap leste: “Le len palla! Oun tou tapreh len oun leh i pandlen dran lengre vasta vin!”