1. Samuel 21:10 - O Debleskro Lab 2024 (Sinte-Manouche)

¹⁰ Oun ko rashay penas: “Men hi ko rharo o Filistarestar Goliat kate, koles tou maral an o telstouno them Elah. Leskro rharo hi an i baya dren pandlo oun hi pal o rashayeskri damdira čiddo. Te kameh les touke te lell, palle le les touke. Kek vavar rharo hi kay.” Oun o David penas: “Savo rharo dell kek douyto kopo. De les mande!”

O Debleskro Drom 2021 (Sinte)

¹⁰ Un ko rashai penas: “Men hi ko charo o Filistarestar Goliat kate, koles tu maral an o telstuno them Elah. Leskro charo hi an i baja dren pandlo un hi pal o rashajeskri damdira tchiddo. Te kameh les tuke te lell, palle le les tuke. Kek wawar charo hi kai.” Un o David penas: “Sawo charo dell kek duito kopo. De les mande!”

1. Samuel 21:10 Iomraidhean Croise

1. Rajengro liil 19:3

Oun har o Eliya kova shounas, tapras les i daar, oun yob nashas peske, te ačell lo djido. Yaake vas lo an o foro Beersheba. Ko his i foro an o them Youda. Oun kote moukas lo peskro boudepaskres.

Debleskri gili 56:1

I gili o rayeske pral i gipangre, te givell har koy gili I tauba an i dour them. Kay gili kras o David, har tapran les i Filistarya an o foro Gat.

Jeremia 26:21

Har shounas o baro ray Yoyakim oun leskre lourde oun pralstoune, hoy o Ouria rakras, kamas o baro ray les te marell moukell. Oun o Ouria shounas kova, daras oun nashas peske oun vas an o them Egiptia.

1. Samuel 17:2

Oun o Saul oun i morsha dran o Israel van khetne an i tala, kay i bare rouka tardo hi. Oun čivan pengre plarhtene khera koy pre. Palle čivan le pen tardo o kourepaske kol Filistarentsa.

1. Samuel 17:51

Oun yob nashas pash o Goliat, las leskro rharo dran koleskri possita vin, oun das leske ko rhareha o shero tele. Har i Filistarya dikan, te hi lengro zorleder morsh moulo, nashan le penge.

1. Samuel 22:10

Oun kova poučas o baro Deblestar leske, das les maro; oun ko rharo ko Filistarestar Goliat das lo les ninna.”