1. Samuel 20:12 - O Debleskro Lab 2024 (Sinte-Manouche)

¹² Oun o Yonatan penas ap o David: “Pash o baro Debleste, ko Israeleskro Devel, dau man sovel, te penap touke, hoy miro dades touha glan hi. Taysar oun ap o triinto dives rakrau leha. Te dikau, te hi mishto troul toute tardo, bičrau yekes, kay kova touke penella.

O Debleskro Drom 2021 (Sinte)

¹² Un o Jonatan penas ap o David: “Pash o baro Debleste, ko Israeleskro Dewel, dau man sowel, te penap tuke, hoi miro dades tuha glan hi. Taissar un ap o triinto diwes rakrau leha. Te dikau, te hi mishto trul tute tardo, bitchrau jekes, kai kowa tuke penella.

1. Samuel 20:12 Iomraidhean Croise

2. Samuel 21:7

Oun yob rodas efta morshen vin. O Mefi-Boshet, koleskro dad o Yonatan his oun koleskro papo o Saul his, kova his gar mank kolende. Glan i tsiro das o David glan o baro Debleste o Yonataneske i sovel, te moukell lo leskre čaven djido.

Hiob 31:4

O Devel dikell halauter, hoy krau, oun djinell, havo drom mire pire djan.

Debleskri gili 17:3

Tou djineh, hoy mange an o shero djal. Ninna an i rati dikal palla, har an miro dji vi-dikella, oun hatsal či an mande, hoy gar mishto hi. Ninna kek čilačo lab vas dran miro mouy vin.

Gosewe laba 20:5

Kova, hoy i mensho peske glan lell, hi dour tele an peskro dji har pani an i brounna. I gosevo anell kova nay pre.

Josua 22:22

“O baro Devel hi bareder har i tsele vavar debla! O baro Devel hi bareder har i tsele vavar debla. Yob djinell oun t'mer hounte djinenn kova ninna: Mer moukam les gar oun hadam men gar pral leste. Te hi kava gar o čačepen, nay denn men moulo.

1. Samuel 20:11

Kote penas o Yonatan ap o David: “Ab mantsa vin ap o them!” Oun yon douy djan vin ap o them.

1. Samuel 20:13

Te kamals miro dad touke čilačepen te krell, oun me penoms touke kova gar, palle nay dell man o baro Devel moulo. Palle moukau me tout te djal, yaake te nay djah tou an o lačepen. Oun o baro Devel mou vell yaake ap tiri rig, har yob ap miro dadeskri rig his.

1. Samuel 23:18

Oun yon douy dan pen sovel glan o baro Debleste, te ačenn le mala. Oun o David ačas an Horesha, oun o Yonatan djas pale khere.