1. Samuel 20:1 - O Debleskro Lab 2024 (Sinte-Manouche)

¹ Oun o David nashas krik kol kherendar, kay o Debleskre rakepangre djivenn an o foro Rama, oun djas pash o Yonatan, oun poučas lestar: “Hoy krom me? Havi doosh anom me ap mande? Hoy krom me tiro dadeske, te rodell lo man, te dell lo man moulo?”

O Debleskro Drom 2021 (Sinte)

¹ Un o David nashas krik kol kherendar, kai o Debleskre rakepangre djiwenn an o foro Rama, un djas pash o Jonatan, un putchas lestar: “Hoi krom me? Hawi doosh anom me ap mande? Hoi krom me tiro dadeske, te rodell lo man, te dell lo man mulo?”

1. Samuel 20:1 Iomraidhean Croise

Debleskri gili 54:3

Miro Devel, sike koon tou hal oun ab ap miri rig! Sike tiri zoor oun kre, te lap miro čačepen!

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

2. Petro 2:9

O Devel, maro ray, hayvell garda te dell ap kolende, kay les kamenna, te perenn le gar o čačo dromestar tele. Yob hayvell ninna kol čilačen pandlo te rikrell, te lenn le pengri phagi ap ko dives, kay vell o čačepen vi-rakedo pral i tsele menshende.

1. Johanni 3:21

Lače phrala oun phenya, te penell menge maro dji gar, te lam doosh ap mende, hi men kek traash, te vas glan o Debleste.

1. Samuel 12:3

Doleske hom kanna glan t'mende tardo: Stenn pre oun rakrenn kate glan o baro Debleste oun glan o baro rayeste, kones yob vin rodas: Koneskri groumni lom me? Koneskri esla? Kones rhorhrom me? Konestar lom i zoryah, hoy leske his? Konestar moukom man te playsrell, te pandap mire yaka glan leskro čilačo koova. Me te krom kova, palle kamau les me pale te dell.”

1. Samuel 19:1

Oun o Saul rakras peskro čaveha oun peskre boudepangrentsa, te kamell lo o Davides te marell. O Yonatan, kay kamas o Davides o djiyestar,

1. Samuel 19:18

O David nashte nashas peske, oun djas pash o Samuel an o foro Rama oun penas leske halauter, hoy o Saul leha kras. Oun o David djas khetne o Samueleha pash i khera, kay o Debleskre rakepangre djivan, oun yon ačan koy.

1. Samuel 20:2

Oun o Yonatan penas: “Kova nay vell gar yaake! Tou hounte meress gar. Miro dad krell či, kek baro koova, vitar kek tikno koova, te rakras lo gar mantsa. Hoske rikrals lo kava koova glan mande khatedo? Na-a, kava hi gar yaake.”

1. Samuel 20:32

Oun o Yonatan poučas peskro dadestar, o Saulestar: “Hoske hounte merell lo? Hoy kras lo?”

1. Samuel 24:11

Kava dives nay dikeh tire yakentsa, te das tout o baro Devel an mire vasta, har hals tou an koy grotta. Oun mange penan le, te dap tout moulo. Oun me krom tout či. Me penom mange: Me kamau gar miro vast ap miro rayeste te čivell, koles o baro Devel vin rodas, te vell lo baro ray.

1. Samuel 24:12

Miro dad, dik kava kotar dran tiri baya an miro vast! Me činom les dran tiri baya tele, oun dom tout gar moulo. Ap kova nay dikeh oun hayveh, te hom kek phoukepaskro oun kamau tout kek čilačepen te krell. Tou leh man palla te dess man moulo, ninna te krom touke či.

1. Samuel 24:17

Har o David kol laba ap o Sauleste rakras, penas o Saul: “Shounau me gar tout, miro čaves David, kate?” Oun o Saul rovas zoreles.

1. Samuel 24:9

Kote stas o David ninna pre, oun djas ninna vin, oun das pal o Sauleste palla gole: “Miro baro ray!” Oun o Saul rissras pes trouyel. Oun o David vitsras pes glan leste tele o mouyeha ap i phoub,

1. Samuel 26:18

Oun yob rakras doureder: “Hoske lell miro ray man, peskro boudepaskres, palla? Hoy krom me? Havo čilačepen hi ap mande?