1. Samuel 2:8 - O Debleskro Lab 2024 (Sinte-Manouche)

⁸ Koles, kay les či hi, hadell lo dran i čik, oun o čorveles hidjrell lo pre dran i yagakri čik, oun beshell les pash i pralstunende, oun krell les an-diklo. I tseli phoub hi o baro Debleske. Yob čivas lat zoreles tardo.

O Debleskro Drom 2021 (Sinte)

⁸ Koles, kai les tchi hi, hadell lo dran i tchik, un o tchorweles hidjrell lo pre dran i jagakri tchik, un beshell les pash i pralstunende, un krell les an-diklo. I tseli phub hi o baro Debleske. Job tchiwas lat soreles tardo.

1. Samuel 2:8 Iomraidhean Croise

1. Mose 41:14

Koy bičras o baro ray yekes, te kharell yob o Yosefes. Oun yon moukan les sik dran o stilepen vin. Oun yob činas peskri čor tele, rivas neve ripya ap peste oun vas pash o baro rayeste.

1. Mose 41:40

Tou vess ray pral miro baro kheer. I tsele menshe an miro them hounte krenn kova, hoy tou peneh. Me kokres hom bareder har tou oun ačau baro ray pral o them Egiptia.”

2. Samuel 7:8

Doleske hounte peness tou ap miro boudepaskro o David: Yaake penell o baro Devel, ko ray pral o bolepen oun i phoub: Me lom tout i bakrendar krik, kay tou pre garda dal, te vess tou ray pral mire menshende Israel.

1. Rajengro liil 16:2

Me hadom tout pre dran i čik, oun krom, te vess o ray pral mire menshende Israel. Oun tou hal har o Yerobeam: oun aneh mire menshen Israel miro dromestar tele. Te dikau kova, vau rhoyedo koy pral.

2. Rajengro liil 9:6

Koy stas yob pre oun djas an o kheer dren. Oun o Debleskro rakepaskro čoras ko djet ap leskro shero oun penas ap leste: “Kova penell o baro Devel, ko Devel pral o Israel: Me makau tout kava djeteha dren, te vess baro ray pral mire menshende, i Israelende.

Hiob 1:21

Oun yob penas: “Har boldo vom, his kek koola ap mande. Oun ap ko dives, kay merau, lau kek koola mantsa. O baro Devel das man lauter, hoy man hi. Oun o baro Devel las les pale mandar. Yob vell sharedo!”

Hiob 2:8

Oun o Hiob las i kotar i paash-dino khorestar, te rhandjrell lo pes koleha. Oun yob his beshdo mashkral i yagakri čik.

Debleskri gili 102:25

Me penom: Mo Devel, le man gar krik ap o paash drom miro djipastar! Tiro djipen herell gar pre, an kek tsiro.

Debleskri gili 104:5

Tou čival i phoub zoreles tardo, te ačell li tardo hako tsireske.

Debleskri gili 107:41

I čorvelen las lo vin dran lengri bibarht, oun kras, te van yon pale boud, yaake har bakre, hoy venn boud oun boudeder.

Debleskri gili 24:2

Yob kras lat oun čivas lat pral o baro pani, oun rikras lat zoreles pral i panya.

Debleskri gili 75:3

“Te vas miro tsiro”, penell o Devel, “rakrau o čačepen vin pral hakeneste.

Debleskri gili 75:4

Ninna te trissell i phoub oun lauter, kay djivell koy pre, me rikrau lat, te ačell li zoreles tardo.”

Debleskri gili 75:7

Čačo barepen vell gar kotar, kay o kham pre-djala, oun gar kotar, kay o kham tele djala, vitar gar dran o moulo tato them.

Sikepaskro 4:14

Kova hi čačo, ninna te his ko terno morsh i pandlo boudepaskro oun vas vin ginlo, te vell lo baro ray, ninna te vas lo boldo an i čorveli familya an ko them, pral leste yob o ray vell.

Jesaja 22:23

Oun me krau les zoreles an peskri boudi yaake har i saster zoreles dren dino vell. Oun yob anell sharepen ap leskro dadeskro kheer.

Daniel 2:48

Oun o baro ray kras o Danieles baro, oun das les boud kouč koova. Oun yob čivas les pral o tselo them Babilonia, oun das les penepaske koy pral oun kras, te vell lo o pralstouno pral i tsele sikle morshende an o them Babilonia.

Daniel 4:17

Ko rouk, koles tou dikal, kova, kay baro oun zorelo vas, – yaake baro, te djas lo bis ap o bolepen, oun koles hakeno nay dikas, kay lo ninna his ap kay phoub,

Daniel 6:3

Oun pral kolende čivas lo triin rayen. Yek kolendar his o Daniel. Kolenge hounte penenn i pralstoune, kitse love yon an pengro them dre-lan oun vi-dan, oun hoy le lauter kran, yaake te hounte dikas gar o baro ray ap savo koova.

Hebrearja 1:3

O Debleskro čavo hi raylo oun baro har o Devel. Oun kova, hoy hi o Debles an o dji, hi ninna o čaves an o dji. Dran leskro zorelo lab rikrell lo lauter khetne, hoy yob kras. O Debleskro čavo las mari doosh oun maro čilačepen mendar, oun yob beshas pes ap i čači rig o baro Deblestar an o bolepen.

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.

Debleskro tsiro 1:6

Yob kras men raya oun rashaya o Debleske, peskro dadeske. Leske hi o raylepen oun i zoor kanna oun hako tsireske! Amen.

Debleskro tsiro 22:5

An ko foro vell bouder gar rati. Len hounte vell kek momeli, vitar gar o kham, te dikenn le. O baro Devel hi lengri momeli. Oun yon hi bare raya hako tsireske.

Debleskro tsiro 3:21

Kova, kay zoreles an o patsepen ačas, oun gar pre das, kova nay beshell pes mantsa ap miro rayeskro beshepaskro, yaake har me ninna zoreles tardo homs, oun me beshom man miro dadeha ap leskro rayeskro beshepaskro.

Debleskro tsiro 5:10

Oun tou kreh lendar raya oun rashaya maro Debleske. Oun yon venn raya pral i tseli phoub.

1. Samuel 15:17

Oun o Samuel penas: “Hi gar yaake? Har hals tikno an tire yaka, val tou o pralstouno pral o Israel. O baro Devel kras, te val o baro ray pral i deesh-te-douy bare familye, kay venna o Israeleskre deesh-te-douy morsh čavendar.