1. Samuel 2:7 - O Debleskro Lab 2024 (Sinte-Manouche)

⁷ O baro Devel krell čorvelo oun yob krell bravelo, ko yekes krell lo tikno, oun ko vavares baro.

O Debleskro Drom 2021 (Sinte)

⁷ O baro Dewel krell tchorwelo un job krell brawelo, ko jekes krell lo tikno, un ko wawares baro.

1. Samuel 2:7 Iomraidhean Croise

2. Rajengro liil 9:6

Koy stas yob pre oun djas an o kheer dren. Oun o Debleskro rakepaskro čoras ko djet ap leskro shero oun penas ap leste: “Kova penell o baro Devel, ko Devel pral o Israel: Me makau tout kava djeteha dren, te vess baro ray pral mire menshende, i Israelende.

1. Familjakro liil 29:12

Bravlepen oun sharepen vell toutar. Tou kokres hal o ray. Tou kreh zorelo oun baro, oun nay kreh i menshes baro oun zorelo.

2. Familjakro liil 32:27

O Hiskiya his lačes an-diklo, oun les vas boud oun boudeder bravlepen. Oun yob kras peske khera, kay vas pre-hadedo leskro roup, sonakay, kouč barra, soungepaskro djet, shilte, oun vavar kouč koova.

2. Familjakro liil 32:29

Oun yob kras peske forya. Oun les his boud bakre oun groumya. Ko tselo bravlepen das les halauter o Baro Devel.

Hiob 1:21

Oun yob penas: “Har boldo vom, his kek koola ap mande. Oun ap ko dives, kay merau, lau kek koola mantsa. O baro Devel das man lauter, hoy man hi. Oun o baro Devel las les pale mandar. Yob vell sharedo!”

Hiob 40:12

Ava, dik ap kol pre-phourde, oun kre len tiknes! Oun stake i čilačen ap yek kopo khetne!

Hiob 5:11

Yob krell kolen baro, ap kolende i vavar tele dikan. Oun kolenge ropaske hi, kolen krell lo barhtelo.

Debleskri gili 102:10

An tiri rholi dal tou man trad, hadal man pre oun vitsral man pale tele ap i phoub. Doleske rhau yagakri čik har maro. Oun mire sva perenn an miro pipen.

Debleskri gili 75:7

Čačo barepen vell gar kotar, kay o kham pre-djala, oun gar kotar, kay o kham tele djala, vitar gar dran o moulo tato them.

Debleskri gili 75:8

Na-a, o Devel hi o čačepaskro ray, kay ko yekeske i zoor krik lell, oun o vavares bares krell.

Gosewe laba 22:2

Bravelen oun čorvelen hi yek koova khetne: Kol douyen kras o baro Devel.

Jesaja 2:12

Leskro dives vella, ko dives o baro Deblestar, ko rayestar pral o bolepen oun i phoub. Ap ko dives vell hako pre-phourdo tiknes kerdo, ninna hakeno, kay hadas pes, hakeno kay kras pes bares.

Jeremia 49:15

O baro Devel penell ap o them Edom: Tou djiveh pral an i berge mank i bare barra. Kal berge hi tire. Oun i vavar menshe darenn toutar. Doleske phourdal tou tout pre, oun penal touke: Me hom o bareder. Kanna shoun, tiro dji rhorhras tout. Ninna te kreh tiro kheer yaake dour pral ap i berga har i adlari, vitsrau me tout kotar tele. Me krau tout tikno mank i natsyone. Oun i menshe an vavar themma dikenn tele ap toute. Kova penell o baro Devel.

Ezekiel 17:24

Oun i tsele rouka an o them dikenn oun hayvenn, te hom me o baro Devel. I baro roukes krau tikno, oun i tikno roukes krau baro. I zenelo roukes moukau tele te merell, oun i trouk roukes zenelo te vell. Me, o baro Devel, penau kova, oun krau kova ninna.

Jakobo 4:10

Vitsrenn t'men tele glan o Debleste! Oun yob krell t'men bares.