1. Samuel 2:6 - O Debleskro Lab 2024 (Sinte-Manouche)

⁶ O baro Devel dell temerl, oun yob krell djido. Yob anell tele pash i moulende oun pale pre.

O Debleskro Drom 2021 (Sinte)

⁶ O baro Dewel dell temerl, un job krell djido. Job anell tele pash i mulende un pale pre.

1. Samuel 2:6 Iomraidhean Croise

1. Rajengro liil 17:22

Oun o baro Devel shounas ap o Eliya, oun ko djipen vas pale an o čaveste, oun yob vas pale djido.

2. Rajengro liil 5:7

Oun har o baro ray pral Israel ko liil draveras, tserdas yob i koola pestar tele oun penas: “Hom me o Devel, kay nay marau oun krau djido? O baro ray pral Syria bičrell kava morshes pash mande, te krap les sasto oun lap ko nasslepen ap leskro mass lestar krik. T'mer dikenn, har rodell yob čingepen mantsa!”

Hiob 5:18

Yob doukrell, oun palle čivell lo i pandepen ap ko doukepen. Yob dell khetne, oun leskre vasta krenn pale sasto.

Debleskri gili 116:3

O merepen pandas man an peskre shelle. Djinom bouder gar dren oun vin, yaake baro his miri daar te hounte meroms oun djoms pash i moulende.

Debleskri gili 30:4

Baro Devel, tou lal miro djipen vin dran o merepen, te djom gar an o moulengro them. Tou dal man miro djipen pale.

Debleskri gili 68:20

Sharedo vell o Devel, maro ray, hako dives! Yob hidjrell menge o pharo koova, oun vell menge ap i rig.

Debleskri gili 71:20

Tou moukal boud oun bari daar ap mande te vell. Oun tou deh man pale nevo djipen, oun aneh man pale vin dran o telstunepen i phoubyatar.

Sikepaskro 3:3

Dell yek tsiro, kay vell maredo, oun yek tsiro, kay vell o doukepen sasto; yek tsiro, kay vell o kheer tele phagedo, oun yek tsiro, kay vell o kheer pre-čiddo.

Jesaja 26:19

Baro Devel, mouk tire moulen djides te vell! Mouk len pre te stell! T'mer, kay van paskedo, stenn pre dran o sopen oun denn gole i barhtyatar! Tou, baro Devel, hal har brishin, hoy dell djipen ap i phoub. Doleske dell i phoub i moulen pale vin.

Ezekiel 37:12

Doleske pen lenge laba, hoy mandar venna. Pen lenge: Kava penell o baro Devel, maro ray: Mire menshe, me krau t'mare grufte pre. Oun moukau t'men dran t'mare grufte vin te vell. Oun me anau t'men an o them Israel.

Ezekiel 37:3

Oun yob penas ap mande: “Tou, mensho, venn kal moule kokale pale djide menshe?” Oun me penom: “Baro Devel, miro ray, tou djineh kova.”

Mateo 12:40

O Yona ačas triin divessa oun triin rati an o baro mačeskro per. Oun yaake hounte ačell o Mensheskro Čavo triin divessa oun triin rati an i phoub paskedo.

Johanni 11:25

Penas o Yezous ap late: “Me hom kova, kay djangrau len pre dran o merepen oun dau len o djipen. Koon ap mande patsella, djivella, ninna te merell yob.

5. Mose 32:39

Dikenn kanna dren, te hom me kokres o Devel, dell kek vavar Devel har man! Me marau oun me krau djido, me doukrau oun me krau sasto, oun dell kek, kay yekes dran miro vast nay vin lell.

Debleskro tsiro 1:18

Me hom o djido. Oun me homs moulo, oun kanna hom djido oun djivau hako tsireske. Man hi i zoor pral o merepen. Oun man hi o klidepaskro an o moulengro them.

1. Samuel 20:3

O David penas: “Tiro dad hayvas, te hom tiro maal. Doleske penas lo peske: O Yonatan hounte djinell kova gar, te doukrell kova les gar.” Oun o David penas doureder: “Me dau man sovel glan o djido Debleste oun glan toute: Mashkral mande oun o merepen hi gar boudeder har yek heryakro stakepen!”