1. Samuel 2:5 - O Debleskro Lab 2024 (Sinte-Manouche)

⁵ Kolla, kay bravelo his, hounte boudrenn kanna, te lenn le maro. Oun kolla, kay bokan, kolen hi kanna doha te rhal. Koya, kay nay las kek čave, koya las efta. Oun koya, kolat boud čave his, kolake ačell gar yek.

O Debleskro Drom 2021 (Sinte)

⁵ Kolla, kai brawelo his, hunte budrenn kanna, te lenn le maro. Un kolla, kai bokan, kolen hi kanna doha te chal. Koja, kai nai las kek tchawe, koja las efta. Un koja, kolat bud tchawe his, kolake atchell gar jek.

1. Samuel 2:5 Iomraidhean Croise

Debleskri gili 113:9

Kolat, kay kek čave nay las, hadell lo, te vell li i barhteli day. Sharedo vell o baro Devel!

Debleskri gili 34:10

T'mer, kay o baro Debleskre menshe han, djivenn leha! Kolen, kay djivenn leha, hi lauter o djipaske.

Jesaja 33:9

Ninna o them rovell oun nashrell peskri zoor. I rouka ap i berge Libanon ladjenn pen oun merenn tele. O shoukar telstouno them Sharon dikell vin har i divyo trouk them. Oun i rouka ap i berge Bashan oun Karmel vitsrenn pengre patria tele.

Jesaja 54:1

Yerusalem, tou hal har i djouvel, kay kek čave nay lell, kanna gib, tou, kay kek čaves ap i phoub anal, ab barhtelo, gib oun de gole i barhtyatar! O baro Devel penell touke: Tou, koy moukli djouvel, tout venn boudeder čave har kolat, kay romedino hi.

Jeremia 15:9

Koy djouvyat, kay efta čave his, lake ačas kek bouder djido. Lakro dji phagas. Lakro kham djas tele mashkral ap o dives. Lakro sharepen oun lakri barht hi bouder gar koy. Oun hoy kol menshendar pral ačas, dau me an i vasta kolendar, kay denn len moulo o rhareha. Kova penell o baro Devel.

Louka 1:53

Kolen, kay bok his, das yob te rhal. Oun kol bravelen bičras lo krik. Oun yon nay lan či peha.

Louka 16:25

Koy penas o Abraham: Čava, touke djas hako tsiro an tiro djipen mishto. O Lazares his kek shoukar djipen. Kanna hi yob barhtelo oun leske djal mishto. Oun tout hi kanna bare douka.

Galatarja 4:27

Latar hi činlo: Ab barhtelo, ninna te nay lal tou kek čave! De gole i barhtyatar, ninna te vas toutar kek ternepen boldo! Kanna hi tout boudeder čave har koya, kay his o romeha khetne.

Ruth 4:15

Oun yob krell tiro djipen barhteles, oun dell yak, te djal touke mishto, te veh phouro. Tiro čaveskri romni, kay tout peskro tselo djiyeha kamell, anas les ap i phoub. Koya hi touke boudeder moldo har efta čave.”

1. Samuel 1:20

te vas li vavarčandes. Oun har lakro tsiro vas, las li i morsh čaves, oun das les o lab Samuel. Yoy penas: “O baro Deblestar mangom les mange.”

1. Samuel 1:6

Oun i Peninna, koy vavar romni, rodas, har te doukrell li lat, oun kras lat i labentsa tele, doleske, kay nashte lell li kek čave.