1. Samuel 2:35 - O Debleskro Lab 2024 (Sinte-Manouche)

³⁵ Me moukau mange i rashayes pre te stell, kay peskri boudi mishto krell. Yob krell lauter yaake, har me kamau oun mange shoukar hi. Oun me krau leske i kheer, hoy ačella. Oun yob boudrella hako tsiro koleske, koles me vi-rodau, te vell lo baro ray.

O Debleskro Drom 2021 (Sinte)

³⁵ Me mukau mange i rashajes pre te stell, kai peskri budi mishto krell. Job krell lauter jaake, har me kamau un mange shukar hi. Un me krau leske i kheer, hoi atchella. Un job budrella hako tsiro koleske, koles me wi-rodau, te well lo baro rai.

1. Samuel 2:35 Iomraidhean Croise

2. Samuel 7:11

kay rodom me čačepangre raya mire menshenge vin. Me rikrau lauteren kolen toutar krik, kay kamenn te kourenn pen touha. Me, o baro Devel, penau touke, tou kreh mange kek kheer. Me krau touke i kheer.

2. Samuel 7:27

Tou, baro Devel oun ray pral o bolepen oun i phoub, kay hal o Israeleskro Devel, tou sikral man, hoy kameh te krell – oun penal mange: Me krau touke i kheer. Doleske lom man khetne oun rakrom yaake ap toute.

1. Rajengro liil 1:45

Oun o rashay Zadok, oun o Debleskro rakepaskro Natan makan les lačo djeteha dren, te vell yob o baro ray. Kova kran le pash o pani Gihon. Kotar djan le pale pre bashepah oun gipah. Yaake vas o foro pherde menshe, kay denn gole i barhtyatar. Doleske shounan t'mer kate koy bari gole.

1. Rajengro liil 1:8

O rashay Zadok his gar leha, vitar gar o Benaya, koleskro dad o Yoyada his, vitar gar o Debleskro rakepaskro, o Natan, vitar gar o Shimi, oun o Rei, oun o Davideskre zorele kourepangre.

1. Rajengro liil 11:38

Te shouneh ap halauter, hoy me touke penau, oun te djah tou ap mire dromma oun kreh, hoy glan mire yaka mishto hi, oun djiveh pal miro čačepen oun mire laba, har miro boudepaskro, o David, kova kras, palle hom me touha. Oun yaake har o Davideske krom, krau me, te vell dran tiri familya hako tsiro yek, kay hi o ray. Oun me dau tout o Israel, te vess ray pral leste.

1. Rajengro liil 2:35

Oun o baro ray čivas o Benaya pral i lourdende, te vell yob lengro pralstouno. Oun o rashayeste, o Zadok, das lo koy boudi, hoy o rashayes o Abyatar his.

1. Familjakro liil 29:22

Oun yon rhan oun piyan ap ko dives glan o baro Debleste. Oun o douyto kopo kharan le vin, kay o Davideskro čavo, o Salomo, o baro ray hi. Oun yon čoran djet ap leskro shero, te vell yob o baro Debleske koy. Ninna čoran le djet ap o shero o morshestar Zadok, te vell yob o rashay.

Debleskri gili 18:50

Doleske sharau tout mank kolende, kay hi gar tire menshendar, baro Devel, oun givau gilya touke.

Debleskri gili 2:2

I bare raya ap kay phoub stakrenna pre, oun i pralstoune beshenn khetne, oun krenn vin, har nay hadenn le pen pral o baro Debleste oun pral koleste, kones yob vin rodas.

Ezekiel 34:23

Oun me moukau yek bakrengro lenge pre te stell, kay dell yak ap lende. Kova vell dran i familya o Davidestar, oun hi har o David miro boudepaskro. Yob vell lengro bakrengro oun dell yak ap lende.

4. Mose 25:13

oun doleske vess tou oun tire čave pal toute hako tsireske mire rashaya. Tiro dji rhačas tiro Debleske oun tou kral, te vas kol Israelenge i doosh krik lino.”

Hebrearja 2:17

Doleske hounte vas o Yezous an lauter yaake, har leskre phrala, te vell les i baro dji lenge, oun te vell lo lenge i čačo baro rashay glan o Debleste, te mangell lo leskre menshenge, te lell yob i doosh lendar krik.

1. Samuel 10:10

Har van le pash Gibea, van Debleskre rakepangre ap o drom pash lende. Oun o Debleskro dourho vas pral leste, yaake te rakras lo lentsa khetne o Debleskro rakepen vin.

1. Samuel 10:9

Oun har rissras o Saul trouyel, te djal lo peske o Samuelestar, koy das les o Devel i vavar dji. Oun lauter, hoy o Samuel glan-vi penas, vas yaake ap ko dives.

1. Samuel 12:3

Doleske hom kanna glan t'mende tardo: Stenn pre oun rakrenn kate glan o baro Debleste oun glan o baro rayeste, kones yob vin rodas: Koneskri groumni lom me? Koneskri esla? Kones rhorhrom me? Konestar lom i zoryah, hoy leske his? Konestar moukom man te playsrell, te pandap mire yaka glan leskro čilačo koova. Me te krom kova, palle kamau les me pale te dell.”

1. Samuel 16:13

Kote las o Samuel o djet oun čoras les ap o Davideskro shero, glan i yaka peskre phralendar. Oun o baro Debleskro dourho vas pral leste ap ko dives oun ačas ap leste. Oun o Samuel djas pale an Rama.

1. Samuel 2:36

Kova, kay dran tiro kheer pral ačas, vell palle pash leste oun vitsrell pes tele glan leste, te mangell lo peske i roupeni bema oun i kotar maro lestar, oun penell ap leste: “Mouk man rashayengre boudi te krell, te vell man i kotar maro te rhal.”

1. Samuel 25:28

Biste mange, te hadom me man oun rakrom ap toute! Me djinau, o baro Devel dell tout i kheer, hoy ačella. Tou hal kova, kay djal o baro Debleske an o kourepen. Kek čilačepen mou vell hatslo ap toute, yaake rah har tou djiveh!

1. Samuel 3:1

An ko tsiro, har boudras o terno Samuel o baro Debleske tel o rashayeste, o Eli, rakras o baro Devel gar boud kope ap yekeste. His vitar gar boud kope, kay dikas yek i Debleskro dikepen.

1. Samuel 7:9

Oun o Samuel las i terno bakro, hoy gomme thoud piyas, oun maras les oun rhačras les tseles o baro Debleske. Oun yob das ap o baro Debleste gole, oun mangas les o Israeleske. Oun o baro Devel shounas ap leste.

1. Samuel 8:3

Yon djan gar o drom har lengro dad, oun rodan kova, hoy lenge o feteder his, oun lan čorrhanes love, oun phagan o čačepen.

1. Samuel 9:12

Yon penan: “Ava, yob vas i tikno tsiro glan toute kay. Kava dives hi o dives, kay anenn le firhen o Debleske ap i pralstouni platsa. Doleske vas lo an o foro. Djan sik,

1. Samuel 9:13

palle taprenn t'mer les gomme glan o rhapen ap o drom ap i pralstouni platsa. I tsele menshe rhayenn gar, bis te vas lo oun penas lače laba pral ko firheste, hoy o Debleske maredo vas. Palle rhayenn kolla lauter khetne, kolenge penlo vas, te venn le pash kava rhapen pashel. Djan sik, palle nay taprenn les gomme.”