1. Samuel 2:30 - O Debleskro Lab 2024 (Sinte-Manouche)

³⁰ Doleske penell o baro Devel, kay o Israeleskro Devel hi: Čačepah, me penom, te venn i morsha dran tiro kheer oun dran tiro dadeskro kheer hako tsireske rashaya glan mande. Kanna penau, kova kamau bouder gar. Me krau kolen baro, kay man bares krenna. Oun kova, kay ap mande či della, ap koleste vell vitar či dino.

O Debleskro Drom 2021 (Sinte)

³⁰ Doleske penell o baro Dewel, kai o Israeleskro Dewel hi: Tchatchepah, me penom, te wenn i mursha dran tiro kheer un dran tiro dadeskro kheer hako tsireske rashaja glan mande. Kanna penau, kowa kamau buder gar. Me krau kolen baro, kai man bares krenna. Un kowa, kai ap mande tchi della, ap koleste well witar tchi dino.

1. Samuel 2:30 Iomraidhean Croise

1. Rajengro liil 11:11

oun penas ap leste: “Tou rikral tout gar ap kova, hoy touha vin krom oun rikral tout gar ap mire laba, hoy touke penom. Doleske lau tiro them toutar krik, te ačess bouder gar ray. Oun dau kava them yekeste kol pralstunendar an o them.

1. Rajengro liil 2:27

Yaake bičras o Salomo o Abyatares khere, te ačell yob bouder gar rashay glan o baro Debleste. Yaake vas ko lab o baro Deblestar čačepen, hoy yob penas pral o kheer o rashayestar Eli, kova, kay djivas an o foro Shilo.

1. Familjakro liil 17:18

Tou kral man, tiro boudepaskres, yaake raylo! – Hoy nay rakrau me gomme boudeder? Tou djineh, hoy an miro dji hi.

2. Familjakro liil 15:2

Oun yob djas vin, te rakrell lo o baro rayeha, o Asa, oun penas leske: “Shounenn man, Asa oun t'mer menshe dran o tselo them Youda oun Benyamin! O baro Devel hi t'mentsa, yaake rah har t'mer t'men ap leste rikrenn. Te rodenn t'mer les, moukell yob pes te hatsell t'mendar. Te moukenn les, moukell yob t'men.

2. Familjakro liil 26:18

Oun yon stakran o baro rayeske Usiya an o drom oun penan ap leste: Usiya, hi gar tiri boudi, te rhačess o baro Debleske soungepaskro koova. Kokres o Aroneskre čave hi i rashaya, kay vi-rodede hi, te rhačenn le soungepaskro koova. Dja vin dran o Debleskri isema! Tou kreh, hoy gar mishto hi glan o baro Debleste. Yob, kay tiro Devel hi, sharell tout gar koleske.

Debleskri gili 18:20

Yob las man vin dran lengre vasta oun anas man an i bourhlo them. Yob kamell man, doleske kras lo kova.

Debleskri gili 18:26

Tou rikreh ap koleste, kay ap toute rikrell, oun kreh, hoy mishto hi koleske, kay krella, hoy tou lestar kameh.

Debleskri gili 50:23

Kova, kay pes pash mande parkrella, hi kova, kay sharell man. Kova hi o drom, kay sikrau leste, har lačo leske hom.”

Debleskri gili 73:20

Yon hi har i souni, hoy yek bistrell, te stell lo pre. Yaake bistreh tou len ap ko tsiro, kay hadeh tout tou, baro Devel.

Debleskri gili 91:14

O Devel penell: “Yob kamell man o tselo djiyestar. Doleske lau les dran kova lauter vin. Yob prindjrell man. Doleske dau yak ap leste.

Debleskri gili 91:15

Yob dell ap mande gole. Doleske shounau me ap leste, oun hom pash leste, te djal leske gar mishto. Me lau les vin dran i bibarht oun krau les bares.

2. Mose 28:43

Hako kopo kay djan le an o Debleskro plarhteno kheer, ninna te rhačrenn le i firho ap o Debleskri sasterni rhačepaskri, hounte rivell o Aron oun leskre čave kol telstoune rholopya. Yaake čivenn le penge kek doosh ap pende oun hounte merenn gar. Oun kova vell yaake o Aroneske oun leskre čavenge, hoy pal leste venna, lauterenge, kay venna rashaya, o tselo tsireske.

2. Mose 29:9

Palle čip lenge o pereskro pandepen trouyel oun čip i rashayengre stadja ap lengre shere, te venn le mange rashaya hako tsireske. Oun yaake aneh tou len an lengri boudi:

Gosewe laba 12:8

Kones gosevo koova an o shero hi, kova vell sharedo. Kones dinelo koova an o shero hi, ap koleste dikenn le tele.

Gosewe laba 4:8

Hidje o gosvepen pral an tiro djipen, palle krell lo tout bares. Rike o gosvepen zoreles, palle dikenn i vavar pre ap toute.

Gosewe laba 8:17

Me kamau kolen, kay man kamenn. Oun kolla, kay rodenn man o djiyestar, kolla hatsenn man ninna.

Jesaja 29:13

O baro Devel, maro ray, penas: Kal menshe sharenn man labentsa. Lengre čipya hadenn man. Lengre djia hi dour krik mandar. Te mangenn le man an, rakrenn le palla, hoy lenge glan penlo vas.

Jeremia 29:32

Doleske dau me, o baro Devel, leste oun leskri familyate i phagi. Kek lendar ačell djido mank kal menshende. Oun yob dikell gar ko lačepen, hoy krau ap mire menshende. Peskro rakepah anas yob mire menshen mandar krik. Kova penell o baro Devel.

Jeremia 49:15

O baro Devel penell ap o them Edom: Tou djiveh pral an i berge mank i bare barra. Kal berge hi tire. Oun i vavar menshe darenn toutar. Doleske phourdal tou tout pre, oun penal touke: Me hom o bareder. Kanna shoun, tiro dji rhorhras tout. Ninna te kreh tiro kheer yaake dour pral ap i berga har i adlari, vitsrau me tout kotar tele. Me krau tout tikno mank i natsyone. Oun i menshe an vavar themma dikenn tele ap toute. Kova penell o baro Devel.

Ezekiel 34:10

Kava penell o baro Devel, maro ray: Me djau ap i bakrengre, oun kamau mire bakren dran lengro vast pale. Oun me krau, te ačenn le bouder gar bakrengre, te dikenn le bouder gar ap pende kokres, te djal lenge mishto. Oun me lau mire bakren dran lengre mouya vin, te venn le lenge bouder gar rhapaske.

Daniel 4:34

Me, o Neboukadnezar parkrau man pash o bolepaskro rayeste oun hadau les oun sharau les. Lauter, hoy yob krell oun kras, hi mishto. Oun leskre dromma hi čačo. Oun kolen, kay pen bares krenn, nay krell lo tiknes.”

Maleachi 1:6

O baro Devel, ko ray pral o bolepen oun i phoub, penell: I čavo hounte hadell peskro dades, oun i boudepaskro hounte dikell pre ap peskro rayeste. Me hom t'maro dad – hoske hadenn man gar? Me hom t'maro ray – hoske dikenn gar pre ap mande? T'mer rashaya, t'mer dikenn tele ap mande. Oun t'mer poučenn: Hoy kram, kay peneh tumer dikan tele ap mande?

Maleachi 2:3

Dikenn, hoy me kamau te krell: Kolla, kay t'mendar venna, kolen phagau. Oun o foul kol firhendar, hoy t'mer mange anenn, vitsrau me an t'mare mouya. Oun t'mer venn vin vitsedo khetne o fouleha.

4. Mose 11:20

Kova djal yek čon, bis te nay soungenn les bouder gar, oun kova dran t'maro nak vin vell. T'mer čivan o baro Debles ap i rig, koles, kay mashkral t'mende hi. Oun t'mer rovan glan leste oun penan: Hoske djam mer dran o them Egiptia? Doleske vell kava koova kanna ap t'mende.”

4. Mose 35:34

Krenn ko them gar pale-čiddo, kay djivenn t'mer, oun kay ninna me djivau. Me hom o baro Devel, oun djivau mashkral t'mende.

Johanni 12:26

Koon kamell mange koy te vell, kova hounte djal mantsa. Kote, kay me hom, hi ninna kova, kay mange koy hi. Kova, kay mange koy hi, vell sharedo miro dadestar.

Johanni 5:23

te sharenn le halauter o čaves, yaake har sharenn le o dades. Koon o čaves gar sharella, kova sharella vitar gar o dades, kay bičras o čaves.

Johanni 5:44

Har nay patsenn t'mer mange? T'mer rodenna, te vell yek i vavarestar sharedo. Te venn t'mer o Deblestar sharedo, kova hi t'menge či moldo.

Johanni 8:49

“Na-a,” penas o Yezous, “an mande hi kek beng. Me sharau miro dades. T'mer kamenn man gar te sharell.

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.

1. Petro 1:7

Kova vella pral t'mende, te vell t'maro patsepen zorelo. Yaake har o sonakay an i yag djoudjo oun kouč kerdo vella, yaake hounte vell t'maro patsepen ninna djoudjo oun kouč kerdo. T'maro patsepen hi boudeder moldo har o sonakay, hoy ačell gar. Te ačell t'maro patsepen zorelo, palle sharell t'men o Devel oun krell t'men bares oun rayles ap ko dives, kay vell o Yezous Kristo pale.

Čačepangre 9:10

Oun i rouka penan ap o faygetikro rouk: Ab tou o ray pral mende!