1. Samuel 2:14 - O Debleskro Lab 2024 (Sinte-Manouche)

¹⁴ Oun lauter, hoy ap i forshetta pre ačas, las yob o rashayeske peha. Oun yaake kran le pash hako Israelitari, kay an Shilo vas.

O Debleskro Drom 2021 (Sinte)

¹⁴ Un lauter, hoi ap i forshetta pre atchas, las job o rashajeske peha. Un jaake kran le pash hako Israelitari, kai an Shilo was.

1. Samuel 2:14 Iomraidhean Croise

Jesaja 56:11

Boud rhapen kamenn le, oun lenn gar doha. Yaake hi kolla, kay ap mire menshende yak denn. Yon hayvenn či, hakeno dikell ap peste kokres, oun rodell, har nay anell lo peskre love khetne.

3. Mose 7:34

O baro Devel penell i Israelenge, kay anenn leske i firhes, te rhan le les khetne glan leste, te denn le o beč oun i čači heri o rashayeste, o Aroneste, oun leskre morsh čavende. Kal kotya mass hi i rashayenge dran o kheer Aron hako tsireske foun ko dives, kay van le dren čiddo an pengri rashayengri boudi. Oun i Israelitarya hounte denn len i rashayende. Kava lab ačell yaake hako tsireske, hoy vella.

Maleachi 1:10

Kamaus, te vals yek t'mendar koy, kay krals o voudya an miro kheer pandles, te krenn t'mer gar čičeske i yag ap miri rhačepaskri! Man hi doha t'mendar, penell o baro Devel, ko ray pral o bolepen oun i phoub. Oun kol marede firhe, hoy mange anenn, hi mange gar mishto.

1. Samuel 2:13

Oun lenge his gar doha, hoy i rashayenge hi kol firhendar, hoy i menshe o Debleske anan. Yaake bičran le pengre boudepangren kote, kay i menshe ko mass keran kol firhendar, hoy anan le o Debleske. Oun ko boudepaskro das i forshetta, hoy lat triin danda his, an i piri čourye.

1. Samuel 2:15

Ninna glan ko tsiro, kay yek o thulepen ap o Debleskri rhačepaskri rhačras, vas o rashayeskro boudepaskro oun penas ap ko morsheste, kay i firhes anas: “De man mass o rashayeske, te pekap les. Yob kamell yalo mass toutar te lell oun kek keredo mass.”

1. Samuel 2:29

Hoske dikenn t'mer ap kol firhen oun rhapen, hoy yaake an miro kheer anlo vell, har me penom, har te vals kova či moldo? Tou hadeh tire čaven pral mande, oun moukeh len i feteder kotya mass te lell kol firhendar, hoy mire menshe Israel mange anan. Oun t'mer rhan t'men pesso ap kova.