1. Samuel 19:4 - O Debleskro Lab 2024 (Sinte-Manouche)

⁴ Oun o Yonatan rakras peskro dadeha oun rakras lačes pral o Davideste oun penas: “Miro baro ray, an kek doosh ap toute oun kre o Davideske či! Yob hi tiro boudepaskro oun kras touke kek čilačepen. Oun lauter, hoy yob kras, his touke mishto.

O Debleskro Drom 2021 (Sinte)

⁴ Un o Jonatan rakras peskro dadeha un rakras latches pral o Davideste un penas: “Miro baro rai, an kek doosh ap tute un kre o Davideske tchi! Job hi tiro budepaskro un kras tuke kek tchilatchepen. Un lauter, hoi job kras, his tuke mishto.

1. Samuel 19:4 Iomraidhean Croise

1. Mose 42:22

Oun o Ruben penas ap lende: “Penom me gar ap t'mende: Ma krenn čilačepen o čaveske? T'mer shounan gar. Kanna vell leskro rat ap mende.”

1. Mose 9:6

O Devel kras o menshes, yaake har yob hi. Doleske hounte vell kova moulo dino i menshestar, kay i menshes moulo das.

2. Familjakro liil 6:22

Te anell yek i doosh ap i vavareste, oun kova vell glan tiri rhačepaskri anlo, kate an tiro kheer, oun yob hounte dell pes sovel, te nay vell i bibarht pral leste, te rakrell lo gar o čačepen,

Debleskri gili 35:12

Me homs ap lende lačes. Yon denn man čilačepen pale, oun krenn, te vap kokres.

Debleskri gili 59:4

Dik, baro Devel, har yon lourenn, te marenn le man! Fothe krom me či, oun kek doosh ap mande hi, djan zorele morsha khetnes ap mande.

Gosewe laba 17:13

Koleske lačepen kerdo vas, oun yob čilačepen pale das, dran koleskro kheer djal i bibarht bouder gar krik.

Jeremia 18:20

Yon lourenn koy pre, te taprenn le man. Hi kova mishto, te krenn le mange čilačepen, ninna te krom lenge lačepen? Ma biste, har me glan toute tardo homs, te rakrap lenge mishto, te less tiri rholi lendar krik!

1. Korintarja 8:12

Me penau t'menge: T'mer te krenn savo čilačo koova ap t'mare phralende oun krenn, te vell len i djoungelo dji, palle krenn t'mer i čilačo koova ap o Yezous Kristeste.

1. Johanni 3:15

Djinenn, hakeno, kay krell peskro phraleske čilačepen, kova hi har yek, kay marell peskro phrales. Oun kova, kay marell peskro phrales, koles hi gar ko djipen an leste, hoy gar pre-herella.

1. Samuel 2:25

Te krell yek čilačepen ap i vavar mensheste, hi lo an o Debleskro vast. Te krell lo čilačepen ap o baro Debleste, koon nay rakrell leske mishto?” Yon shounan gar ap pengro dadeste. O baro Devel kras lengre djia pandlo. Yob kamas len te marell.

1. Samuel 20:32

Oun o Yonatan poučas peskro dadestar, o Saulestar: “Hoske hounte merell lo? Hoy kras lo?”

1. Samuel 22:14

O Ahimelek penas ap o baro rayeste: “Koon mank tire tsele boudepangre hi yaake ap tiri rig har o David? Ninna hi lo tiri čakro rom oun o pralstouno pral tire feteder lourdende. Oun yob hi an-diklo an tiro tselo kheer.