1. Samuel 19:24 - O Debleskro Lab 2024 (Sinte-Manouche)

²⁴ Kote rivas yob ninna peskre koola vin, oun rakras glan o Samuel o Debleskro rakepen vin, oun peras ap i phoub oun his nanges koy čiddo o tselo dives oun i tseli rat. Doleske vell penlo: “Hi o Saul ninna mank o Debleskre rakepangre?”

O Debleskro Drom 2021 (Sinte)

²⁴ Kote riwas job ninna peskre koola win, un rakras glan o Samuel o Debleskro rakepen win, un peras ap i phub un his nanges koi tchiddo o tselo diwes un i tseli rat. Doleske well penlo: “Hi o Saul ninna mank o Debleskre rakepangre?”

1. Samuel 19:24 Iomraidhean Croise

2. Samuel 6:14

O David khelas peskri tseli zoryah glan o baro Debleste. Oun troul leste his les i rashayeskri layntikri damdira.

2. Samuel 6:20

Oun o David vas khere, te penell lo peskre menshenge lačo dives oun te poučell lo lendar, har lenge djala. Oun i Mikal, o Sauleskri čay, djas vin pash leste, oun penas: “Havo raylepen his ko baro rayes pral Israel kay dives, har rivas yob pes vin glan kol djouvyende, kay leskre pralstunenge boudrenn, yaake har pen kol vi-ladjede menshe vi-rivenna!”

Jesaja 20:2

rakras o baro Devel ap o Yesaya, koleskro dad o Amoz his, oun penas: “Rib tiri goneskri damdira oun tire kirrha vin!” Kova kras o Yesaya. Yob rivas peskre koola vin, ninna peskre kirrha, oun djas yaake trouyel triin bersha rah.

Micha 1:8

Pral kova halauter hounte dap i bari gole oun hounte rovap, me nashau pirkenes oun nanges, te sikrap har miro dji rovella. Har i divyo djouklo dau gole, oun rovau har ko čirklo, hoy kharell straussa.

4. Mose 24:4

Kova penella, kay shounell o Debleskro rakepen. Me dikau, hoy o zorelo Devel mande sikrella. Mire yaka venn pre kerdo, te djau ap i čanga.

Bičepangre 9:21

Lauter kolla, kay shounan kova, ačas o rakepen krik, oun yon penan: “Hi kova gar ko morsh, kay las an o foro Yerusalem i tsele patslen palla, oun kamas len te marell, kolen, kay denn o Yezouseskro lab an-gole? Vas yob gar kate, te anell yob i patslen pandlo glan kol bare rashayende an o foro Yerusalem?”

1. Samuel 10:6

Oun o baro Debleskro dourho vell pral toute, oun tou rakreh lentsa khetne o Debleskro rakepen vin. Oun kote veh tou i vavar mensho.

1. Samuel 15:35

Oun o Samuel dikas o Saules bouder gar yaake rah har djivas lo. Oun leskro dji rovas pral o Saul. O baro Debles khaytas, te rodas lo les vin, te vell lo o ray pral o Israel.

1. Samuel 18:10

O vavar dives moukas o Devel o čilačo dourhes pral o Sauleste te vell. Oun yob vas divyes an peskro kheer. I harfa an o vast bashras o David o Sauleske, yaake har yob hako dives kras. Oun o Saules his i vitsepaskro čouri an o vast.