1. Samuel 19:18 - O Debleskro Lab 2024 (Sinte-Manouche)

¹⁸ O David nashte nashas peske, oun djas pash o Samuel an o foro Rama oun penas leske halauter, hoy o Saul leha kras. Oun o David djas khetne o Samueleha pash i khera, kay o Debleskre rakepangre djivan, oun yon ačan koy.

O Debleskro Drom 2021 (Sinte)

¹⁸ O David nashte nashas peske, un djas pash o Samuel an o foro Rama un penas leske halauter, hoi o Saul leha kras. Un o David djas khetne o Samueleha pash i khera, kai o Debleskre rakepangre djiwan, un jon atchan koi.

1. Samuel 19:18 Iomraidhean Croise

Debleskri gili 116:11

Homs yaake phagedo, te penom: “I tsele menshe hi rhorhene.”

Jakobo 5:16

Doleske penenn t'menge t'mari doosh, oun mangenn o Debles yek o vavareske, te venn t'mer sasto. I mensho, kay djivell yaake, har o Devel kamella, yob te mangell i tselo djiyeha čomone o Deblestar, nay krell o Devel boud leske.

1. Samuel 1:19

Oun sik o vavar dives stan le pre. Oun har sharan le o baro Debles, djan le khere an Rama. Oun o Elkana djas rati pash i Hannate dren. Oun o baro Devel bistras i Hannat gar oun kras,

1. Samuel 15:34

Pal kova djas o Samuel an o foro Rama. Oun o Saul djas pale an peskro kheer an o foro Gibea.

1. Samuel 19:19

Oun o Sauleske vas penlo: “Dik, o David hi pash o Debleskre rakepangre an Rama.”

1. Samuel 19:22

Kote kras yob pes ap o drom an o foro Rama. Har vas lo pash koy bari brounna, hoy pash i djobeskri platsa Sekou hi, poučas lo: “Kay hi o Samuel oun o David?” Oun yon penan leske: “Pash kol khera, kay o Debleskre rakepangre djivenn an o foro Rama.”

1. Samuel 19:23

Oun yob djas koy. Ap peskro drom vas ninna pral leste o Debleskro dourho. Oun yob djas oun rakras o Debleskro rakepen vin, bis te vas yob pash kol khera, kay o Debleskre rakepangre djivenn an o foro Rama.

1. Samuel 20:1

Oun o David nashas krik kol kherendar, kay o Debleskre rakepangre djivenn an o foro Rama, oun djas pash o Yonatan, oun poučas lestar: “Hoy krom me? Havi doosh anom me ap mande? Hoy krom me tiro dadeske, te rodell lo man, te dell lo man moulo?”

1. Samuel 21:11

Oun ap ko dives djas o David doureder, oun nashas peske o Saulestar. Oun djas pash o Akish, ko ray pral o foro Gat.

1. Samuel 28:3

Oun o Samuel meras. Oun i tsele Israelitarya van khetne oun rovan pral leste. Oun palle paskran le les an peskro foro Rama. Glan kava tsiro tradas o Saul i dravepangren oun kolen, kay poučenn i moulen, dran o them vin.

1. Samuel 7:17

Palle djas lo pale an Rama, kay lo khere hi, oun rakras kote o čačepen vin pral i Israelitarya. Ninna kote kras lo i rhačepaskri, kay čomone rhačedo vell o baro Debleske.