1. Samuel 19:13 - O Debleskro Lab 2024 (Sinte-Manouche)

¹³ Palle las i Mikal o khereskro devel, o Terafim, oun čivas les ap o čiben, oun čivas bouzyengre balla kote, kay o shero čiddo vals, oun čakras kova lauter i ripyeha.

O Debleskro Drom 2021 (Sinte)

¹³ Palle las i Michal o khereskro dewel, o Terafim, un tchiwas les ap o tchiben, un tchiwas busjengre balla kote, kai o shero tchiddo wals, un tchakras kowa lauter i ripjeha.

1. Samuel 19:13 Iomraidhean Croise

1. Mose 31:19

Glan lengro naashepen, har his o Laban vin, te činell lo o bal peskre bakrendar, čoras i Rachel i khereskre deblen, hoy lakro dad an-mangell. Oun yoy las len peha.

Hosea 3:4

Yaake djal i Israelenge: I rah tsiro hi len kek ray oun kek pralstoune pral pende, oun yon anenn kek firhen o Debleske an leskro kheer. Len hi bouder kek pre-čidde barra, kek rashayeskri damdira oun kek khereskre debla, te poučenn le lendar, hoy te krenn.

Čačepangre 17:5

Ko morshes Mika his i debleskro kheer peske oun peskri familyake. Oun yob kras i rashayeskri damdira oun khereskre debla, oun rodas yek peskre čavendar vin, te vell lo leskro rashay.

Čačepangre 18:14

Oun kol panč morsha, kay dikan pen čorrhanes trouyel an o them pash Layish, kolla penan ap pengre phralende: “Djinenn t'mer, te hi an kava kheer i rashayeskri damdira oun i khereskro devel, ninna i kashteni figura, kay roup pral čoredo hi? Denn yak, hoy krenn kanna!”

1. Samuel 19:16

Oun kol lourde djan koy oun hatsan či har ko khereskro devel Terafim an o čiben čiddo, oun kol bouzyengre balla pash leskro shero.