1. Samuel 18:5 - O Debleskro Lab 2024 (Sinte-Manouche)

⁵ Oun o David djas o Sauleske an o marepen, oun lauter, hoy yob an o vast las, djas leske mishto. Oun o Saul hadas les pral i lourden, te vell lo lengro pralstouno. Oun i tsele Israelitarya kaman les. Oun ninna bare morsha an o Sauleskro kheer kaman les.

O Debleskro Drom 2021 (Sinte)

⁵ Un o David djas o Sauleske an o marepen, un lauter, hoi job an o wast las, djas leske mishto. Un o Saul hadas les pral i lurden, te well lo lengro pralstuno. Un i tsele Israelitarja kaman les. Un ninna bare mursha an o Sauleskro kheer kaman les.

1. Samuel 18:5 Iomraidhean Croise

1. Mose 39:23

Yaake rah, har lauter an o Yosefeskro vast his, hounte kras o pralstouno pral o stilepen či. O baro Devel his pash o Yosefeste oun das les barht an halauter, hoy yob kras.

2. Samuel 5:10

Oun o David vas bareder oun zorleder. Oun o baro Devel, ko ray pral o bolepen oun i phoub his leha.

2. Samuel 5:2

Glan i rah tsiro har o Saul baro ray pral mende his, anal tou o Israel an o kourepen oun pale khere. Oun o baro Devel penas touke ninna: Tou dess yak ap mire menshende Israel, oun tou vess o ray pral o Israel.”

2. Familjakro liil 17:3

Oun o Yosafat djas ap o Debleskro drom har glan leste leskro phouro dad, o David. Oun nashas gar i moule deblenge palla, hoy kharenn Baal. Doleske his o baro Devel pash leste.

Debleskri gili 1:3

Kova hi har i rouk, hoy tardo hi pash o pani. Ap o čačo tsiro venn leskre roukengre baro. Oun leskre patria ačenn zenelo. Lauter, hoy yob krella, djala mishto.

Debleskri gili 101:2

Me dau yak, te djap o čačo drom. Kamau te vess pash mande. I djoudjo djiyeha djivau khetne lauterentsa an miro kheer.

Mateo 10:16

Djinenn, me bičrau t'men har bakre mank i divye djouklende. Doleske venn gosevo har i sapa oun djoudjo har i parne čirkle, an kolende kek rhorhepen hi!

Bičepangre 7:10

oun las les vin dran halauter, hoy o Yosefeske pharo his. Oun o Devel das les boud gosvepen oun kras, te dikas o baro ray pral o them Egiptia lačo ap o Yosefeste. Ko baro ray kras, te vas o Yosef o ray pral o tselo them Egiptia oun pral o tselo rayeskro kheer.

Efesarja 5:17

Doleske krenn t'maro dji pre, te hayvenn, hoy o ray Yezous t'mendar kamella!

Kolossarja 4:5

Djivenn t'maro djipen yaake, te dikenn i vavar, kay t'mer patsle han! Rodenn i drom, te rakrenn lentsa pral o Debleste!

Čačepangre 1:19

O baro Devel his i morshentsa dran Youda. Doleske las o Youda o pralstouno them dren. Kolla, kay an o telstouno them djivan, len his sasterne vourdya o kourepaske. Doleske nay tradan le len gar vin.

1. Samuel 13:2

Oun o Saul rodas peske 3.000 (triin-zerya) morshen vin. 2.000 (douy-zerya) lendar his pash leste an o foro Mikmas oun ap i berge pash Betel. Oun 1.000 (yek zero) morsha his peskro čaveha, o Yonatan, pash o foro Gibea an o them Benyamin. Kol tsele vavar bičras lo khere.

1. Samuel 14:52

Yaake rah har o Saul djivas, his o marepen i Filistarentsa i pharo marepen. Oun te dikas o Saul i zorelo čačo morshes, koles las lo, te vell lo i lourdo leske.

1. Samuel 18:16

O tselo Israel oun o tselo Youda kaman les, har dikan le, havo lačo kourepaskro yob hi.

1. Samuel 18:30

Oun boud kope an o marepen i Filistarentsa his o David zorleder har hako vavar o Sauleskre pralstoune lourdendar. Oun o Davideskro lab vas sharedo oun hadedo.

1. Samuel 18:4

oun rivas peskri baya vin oun das lat o Davideste, ninna peskre kourepaskre koola, peskro rharo, peskro bogo oun peskri pereskri dori.

1. Samuel 18:6

Ap ko dives, kay i lourde pale van, oun o David o Filistares moulo das, koy nashan i djouvya vin dran i tsele forya an o them Israel, te venn le pash o baro rayeste Saul. Oun yon givan oun khelan, dan gole i barhtyatar, oun dan ap pengre tikne pauke, oun bashran ap pengre bashepangre.

1. Samuel 3:19

Oun o Samuel vas bareder, oun o baro Devel his pash leste, oun kras te vas lauter čačo, hoy o Samuel i menshenge penas.