1. Samuel 18:17 - O Debleskro Lab 2024 (Sinte-Manouche)

¹⁷ Oun o Saul penas peske: “Miro vasteha kamau gar o Davides te marell. I Filistarya mou denn les moulo.” Doleske penas lo ap o David: “Me kamau tout miri phoureder čat, i Merab, te dell, te romedineress lat. Tou, ab i čačo morsh oun koure tout mishto an o baro Debleskro kourepen.”

O Debleskro Drom 2021 (Sinte)

¹⁷ Un o Saul penas peske: “Miro wasteha kamau gar o Davides te marell. I Filistarja mu denn les mulo.” Doleske penas lo ap o David: “Me kamau tut miri phureder tchat, i Merab, te dell, te romedineress lat. Tu, ab i tchatcho mursh un kure tut mishto an o baro Debleskro kurepen.”

1. Samuel 18:17 Iomraidhean Croise

2. Samuel 11:15

O David činas an ko liil: “Anenn o Uriyes glan, kote, kay o kourepen bareder hi. Oun palle tserdenn t'men lestar pale, te vell yob moulo dino!”

2. Samuel 12:9

Hoske rikral tout gar ap miro lab? Hoske kral, hoy gar mishto hi glan mire yaka? O Uriya, ko Hetares, dal o rhareha moulo. Leskri romyat lal tou, te vell yoy tiri romni. Oun tou čival les kote an o kourepen, kay i Ammonarya les moulo dan.

2. Samuel 6:16

Oun har o Debleskro morhton an o Davideskro foro anlo vas, dikas i Mikal, kolakro dad o Saul his, dran i vorhni, oun dikas o baro rayes o David, har yob khelas oun stas glan o Debleste, oun an lakro dji dikas li tele ap leste.

Debleskri gili 12:2

Baro Devel, ab ap miri rig! Tire menshe hi bouder gar boud. Ava, kolla, kay patsle hi mank i menshende, hi gar boud.

Debleskri gili 55:21

O phoukepaskro djal ap peskro maleste pre oun rikrell gar peskri sovel, hoy das lo leste glan o Debleste.

Gosewe laba 26:24

I midjak mensho hi pherdo rhorhepen. Kova khatrell lo pal shoukar laba.

Gosewe laba 26:25

Te rakrell lo ninna yaake kamles, ma pats leske! Les hi efta bengeskro koova an leskro dji.

Gosewe laba 26:26

Ninna te khatrell lo peskri rholi ap i vavarende pal shoukar laba, vell ko dives, kay dikell hakeno leskro čilačepen.

4. Mose 21:14

Doleske hi činlo an ko liil, hoy o baro Debleskre lourdendar rakrell: “Ko foro Vaheb an o them Soufa oun ko pani Arnon,

4. Mose 32:20

O Mose penas ap lende: “Te kamenn t'mer kova čačepah te krell, palle lenn t'mare rhare oun hoy t'men hounte vell kourepaske, oun djan an o kourepen glan o baro Debleste!

4. Mose 32:27

Mer, t'mare boudepangre, lah mare rhare oun djah i vavar lourdentsa an o kourepen glan o baro Debleste, har tou, maro ray, penal.”

4. Mose 32:29

“Te djan i morsha dran o kheer Gad oun dran o kheer Ruben t'mentsa vergel o Yordan, oun kourenn pen yaake rah glan o baro Debleste, bis te ko them t'menge hi, yaake denn lende ko them Gilead, te vell kova lenge.

5. Mose 17:7

Kolla, kay dikan ko djoungelo koova, venn i glanstoune, te vitsrenn le barra ap lende. Oun pal lende venn kol vavar, kay glan o foro van, oun vitsrenn len moulo. Yaake lenn t'mer o čilačepen mashkral t'mende krik.

1. Samuel 14:49

O Saules his triin morsh čave: O Yonatan, o Yishvi, oun o Malkishoua, oun douy ča. I phoureder his i Merab, oun i tikneder i Mikal.

1. Samuel 17:25

Oun yek penas ap o vavareste: “Dikal ko morshes, har kova pre vas? Kova vella, te praasell lo o Israel. Koon koles marella, koles kameh maro baro ray braveles te krell. Oun yob kamell les peskri čate te dell, oun leskro dadeskro kheer hounte dell leste bouder či kolestar, hoy le dren anenna.”

1. Samuel 17:36

Leve oun bere dom moulo. Oun yaake djal les ninna kava Filistareske, kay gar činlo hi ap peskro mass. Yob praasas i lourden o djido Deblestar. Doleske hounte merell lo!”

1. Samuel 17:47

Oun ninna hakeno, kay kate hi, kova dikell oun hayvell, te hounte vell o baro Debles kek rharo oun kek vitsepaskro čouri, te lell lo peskre menshen dran o merepen vin. Yob hi o zorleder oun dell t'men an mare vasta.”

1. Samuel 18:21

Oun o Saul penas: “Me kamau lat leste te dell. Palle hi man čomone an o vast, koleha nay tradau les an i vasta i Filistarendar.” Oun o Saul penas ap o Davideste: “Kava dives vess tou o douyto kopo miri čakro rom.”

1. Samuel 18:25

Oun o Saul penas: Yaake penenn ap o David: “O baro ray kamell či vavares, hoy hounte dess leskro čake, har o morshkano mass sheel moule Filistarendar. Yob kamell lenge o čilačepen pale te dell, hoy le ap leste kran.” Čačepah kamas o Saul te perell o David an o vast i Filistarendar, oun yon te denn les moulo.

1. Samuel 18:27

koy kras lo pes ap o drom oun djas peskre lourdentsa an o kourepen, oun das douy-sheel Filistaryen moulo. Oun o David las kol tsele douy sheel moulendar lengro morshkano mass tele, oun anas les o baro rayeske, te vell lo leskri čakro rom. Oun o Saul das les peskri čat Mikal, te vell li leskri romni.

1. Samuel 25:28

Biste mange, te hadom me man oun rakrom ap toute! Me djinau, o baro Devel dell tout i kheer, hoy ačella. Tou hal kova, kay djal o baro Debleske an o kourepen. Kek čilačepen mou vell hatslo ap toute, yaake rah har tou djiveh!

1. Samuel 30:26

Oun har o David pale an o foro Siklag vas, bičras lo čomone dran ko randedo koova ap i phourende an o them Youda, kay leskre mala his. Oun moukas lenge te penell: “Dikenn, kava hi t'menge dran ko koova, hoy mer kolendar randam, kay o baro Debles gar kamenna.”