1. Samuel 18:14 - O Debleskro Lab 2024 (Sinte-Manouche)

¹⁴ Oun leske djas halauter mishto, oun o baro Devel his ap leskri rig.

O Debleskro Drom 2021 (Sinte)

¹⁴ Un leske djas halauter mishto, un o baro Dewel his ap leskri rig.

1. Samuel 18:14 Iomraidhean Croise

1. Mose 39:23

Yaake rah, har lauter an o Yosefeskro vast his, hounte kras o pralstouno pral o stilepen či. O baro Devel his pash o Yosefeste oun das les barht an halauter, hoy yob kras.

2. Samuel 5:10

Oun o David vas bareder oun zorleder. Oun o baro Devel, ko ray pral o bolepen oun i phoub his leha.

2. Rajengro liil 18:7

O baro Devel his leha, oun halauter hoy lo peske glan las, djas leske mishto. Oun yob peras tele o baro rayestar pral o them Assour, oun moukas koles bouder gar peskro ray te vell.

1. Familjakro liil 18:13

Oun o David čivas moskre dren an hako foro an o them Edom. Oun o Davides his penepaske pral o tselo them Edom. O baro Devel his ap o Davideskri rig, kay yob ninna djas.

1. Familjakro liil 18:6

Oun yob čivas moskre dren an lengro them. Oun o Davides vas penepaske pral i Syrarya, oun yon hounte playsran ap leste, hoy lo lendar kamas. Yaake his o baro Devel o Davideske ap i rig, kay lo ninna djas.

2. Familjakro liil 17:3

Oun o Yosafat djas ap o Debleskro drom har glan leste leskro phouro dad, o David. Oun nashas gar i moule deblenge palla, hoy kharenn Baal. Doleske his o baro Devel pash leste.

Debleskri gili 101:2

Me dau yak, te djap o čačo drom. Kamau te vess pash mande. I djoudjo djiyeha djivau khetne lauterentsa an miro kheer.

Mateo 1:23

I terni čay, kay gomme kek morshestar an tapedo vas, lella i ternepen. Oun yon denn les o lab Emmanuel. Kova kharella: O Devel hi mentsa.”

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Bičepangre 18:10

Me hom pash toute oun kek nay doukrell tout. An kava foro hi boud menshe, kay kamenna ap mande te patsell.”

Josua 6:27

Oun o baro Devel his o morsheha Yosua. Oun yob vas an-diklo an o tselo them.

Čačepangre 1:19

O baro Devel his i morshentsa dran Youda. Doleske las o Youda o pralstouno them dren. Kolla, kay an o telstouno them djivan, len his sasterne vourdya o kourepaske. Doleske nay tradan le len gar vin.

1. Samuel 10:7

Kanna, te vell kova lauter, palle kre kova, hoy glan tire vasta hi. O Devel hi pash toute.

1. Samuel 16:18

Oun yek kol terne morshendar penas: “Shoun, o Isay dran Betlehem, les hi i čavo, ko hayvell i harfa lačes te bashrell. Ninna hi lo i čačo morsh, kay hayvell pes mishto te marell. Oun yob hatsella hako tsiro i laba, hoy penlo hounte venn. Oun yob hi i shoukar morsh. Oun o baro Devel hi leha.”

1. Samuel 18:15

Oun har o Saul kova dikas, daras lo gomme boudeder lestar.

1. Samuel 19:8

Oun pale vas i baro kourepen, oun o David djas vin te marell lo pes i Filistarentsa. Oun yob das len yaake zoreles, te hounte nashan le.

1. Samuel 3:19

Oun o Samuel vas bareder, oun o baro Devel his pash leste, oun kras te vas lauter čačo, hoy o Samuel i menshenge penas.