1. Samuel 18:12 - O Debleskro Lab 2024 (Sinte-Manouche)

¹² O baro Devel his o Davideha oun bouder gar o Sauleha. Doleske daras o Saul o Davidestar.

O Debleskro Drom 2021 (Sinte)

¹² O baro Dewel his o Davideha un buder gar o Sauleha. Doleske daras o Saul o Davidestar.

1. Samuel 18:12 Iomraidhean Croise

2. Samuel 5:10

Oun o David vas bareder oun zorleder. Oun o baro Devel, ko ray pral o bolepen oun i phoub his leha.

2. Familjakro liil 17:3

Oun o Yosafat djas ap o Debleskro drom har glan leste leskro phouro dad, o David. Oun nashas gar i moule deblenge palla, hoy kharenn Baal. Doleske his o baro Devel pash leste.

Debleskri gili 51:11

Ma dik ap miri doosh, oun le o čilačo koova, hoy krom, mandar krik!

Debleskri gili 53:5

“Kolla, kay o čilačo koova krenna, hayvenn či”, penell o Devel, – “kolla, kay mire menshen rhana har i kotar maro. Man denn le gar an-gole.”

Hosea 9:12

Ninna te tserdenn le pengre čaven bares, lau len lendar pale krik. Kek lendar ačell djido. Havi bibarht vell pral lende, me te tserdau man lendar krik!

Mateo 25:41

Oun palle penell yob kolenge, kay ap leskri servi rig tardo hi: T'mer han tel o Debleskro praasepen tardo! Djan t'menge! Djan an koy yag, hoy rhačella hako tsiro, oun hoy hi o bengeske oun leskre kourepangre kerdo!

Markus 6:20

O Herodes trashas o Yohannestar. Yob djinas, kay o Yohanni i Debleskro morsh hi, kay djas o čačo drom. Doleske das lo garda ap leste oun rikras les an o stilepen. Yob kamas o Yohanneskro rakepen. Hako kopo, kay yob les shounas, djinas lo bouder gar, hoy te krell lo oun te penell lo.

Louka 8:37

Oun i bari daar vas ap lende. Oun kol boud menshe dran o them Gerasa penan ap o Yezouseste: “Mer mangah tout: Dja touke mendar!” Oun yob djas an o bero, oun ouleras pale.

Bičepangre 24:25

Oun o Paulo penas lenge, te hounte rikrenn le pen ap o Debleskro čačepen, te krenn le kek vi-ladjedo koova, oun te vell ko tsiro, kay hakeno glan o Debleste tardo hounte vell. Oun o Felix las traash, oun penas ap o Pauleste: “Kava kopo nay djah tou. Oun te hi man tsiro, moukau tout pale gole te dell.”

Bičepangre 7:9

Mare phoure dada zilveran ap o Yosefeste, oun bikran les an o them Egiptia. Oun o Devel his pash leste,

Čačepangre 1:19

O baro Devel his i morshentsa dran Youda. Doleske las o Youda o pralstouno them dren. Kolla, kay an o telstouno them djivan, len his sasterne vourdya o kourepaske. Doleske nay tradan le len gar vin.

Čačepangre 16:20

Oun yoy penas ap leste: “Filistarya hi pral toute Simson!” Kote stas lo dran peskro sopen pre. Oun penas peske: “Me vau krik har hako vavar kopo ninna. Me nay tserdau kol dorya mandar krik.” Yob djinas gar, te djas peske o baro Devel lestar.

1. Samuel 16:18

Oun yek kol terne morshendar penas: “Shoun, o Isay dran Betlehem, les hi i čavo, ko hayvell i harfa lačes te bashrell. Ninna hi lo i čačo morsh, kay hayvell pes mishto te marell. Oun yob hatsella hako tsiro i laba, hoy penlo hounte venn. Oun yob hi i shoukar morsh. Oun o baro Devel hi leha.”

1. Samuel 16:4

Oun o Samuel kras, hoy o baro Devel leske penas, oun djas an o foro Betlehem. Kote van i phoureder dran o foro pash leste, oun poučan lestar darenes: “Hoske val kay? Kharella kava menge lačepen?”

1. Samuel 18:15

Oun har o Saul kova dikas, daras lo gomme boudeder lestar.

1. Samuel 18:20

I Mikal, i vavar čay o Saulestar, kamas o Davides. Har shounas o Saul kova, his leske kova mishto yaake.

1. Samuel 18:29

Koy daras o Saul o Davidestar gomme boudeder, oun peskro tselo djipen kamas lo leske čilačepen te krell.

1. Samuel 20:13

Te kamals miro dad touke čilačepen te krell, oun me penoms touke kova gar, palle nay dell man o baro Devel moulo. Palle moukau me tout te djal, yaake te nay djah tou an o lačepen. Oun o baro Devel mou vell yaake ap tiri rig, har yob ap miro dadeskri rig his.

1. Samuel 22:13

Oun o Saul penas: “Hoske čivan t'men khatar mande khetne, tou oun o Isayeskro čavo, yaake te dal tou les maro oun i rharo, oun poučal o Debles leske, hoy lo hounte krell? Doleske nay hadell lo pes kanna ap mande oun lell man palla, yaake har kava dives hi.”

1. Samuel 28:15

Oun o Samuel poučas o Saulestar: “Hoske lal tou man dran miro sopen vin, oun moukal man pre te vell?” Oun o Saul penas: “Me hom an bari daar! I Filistarya djan an o kourepen te marenn le pen mantsa. Oun o baro Devel djas peske mandar, oun rakrell gar bouder ap mande. Leskre rakepangren hi kek lab mange, vitar gar rakrell lo mantsa an sounya. Kote moukom me tout pale gole te dell, te peness mange, hoy me hounte krap!”

1. Samuel 3:19

Oun o Samuel vas bareder, oun o baro Devel his pash leste, oun kras te vas lauter čačo, hoy o Samuel i menshenge penas.