1. Samuel 18:1 - O Debleskro Lab 2024 (Sinte-Manouche)

¹ Oun pal kol laba, hoy o David o Sauleha rakras, las o Yonatan i kamlepen o Davideske an o dji, oun yob kamas les peskro tselo djiyeha har peskro djipen.

O Debleskro Drom 2021 (Sinte)

¹ Un pal kol laba, hoi o David o Sauleha rakras, las o Jonatan i kamlepen o Davideske an o dji, un job kamas les peskro tselo djijeha har peskro djipen.

1. Samuel 18:1 Iomraidhean Croise

1. Mose 44:30

Oun kanna, miro ray, te vau me pale pash miro dadeste, oun yob dikell, kay o čavo gar pash mande hi, merell yob i doukatar.

2. Samuel 1:26

Miro phraal Yonatan, miro kamlo maal, me rovau pral toute. Man his bari barht pral toute. Tiro malengro kamlepen his mange feteder har i djouvyengro kamlepen.

1. Familjakro liil 12:17

Ninna morsha dran kol khera Benyamin oun Youda van pash o Davideskro zorelo kheer ap i berga.

Debleskri gili 86:11

Baro Devel, sike man tiro drom, te djap an tiro čačepen. Rike miro dji pash toute, te krap, hoy tou kameh!

Gosewe laba 18:24

Dell mala, kay anenn tout an i bibarht. I čačo maal rikrell boudeder ap toute har i phraal.

5. Mose 13:6

Oun ko rakepaskro, ninna kova, koles kol sounya hi, yob hounte vell maredo. Yob kamas t'men t'maro baro Deblestar krik te anell, kolestar, kay anas t'men vin dran o them Egiptia oun las t'men vin dran o pandepen. Ko mensho kamas te djan t'mer tele o dromestar, hoy t'maro baro Devel penas, te hounte djan ap leste. Oun t'mer hounte vitsrenn vin o čilačepen, hoy mashkral t'mende hi.

Kolossarja 2:2

Kova krau, te venn t'mer zoreles an t'maro dji, oun rikrenn khetne an o kamlepen. Ninna kamau, te hayvenn t'mer mishto o Debleskro drom, hoy i menshe i rah tsiro gar djinan. Ko drom hi o Yezous Kristo.

Čačepangre 20:11

Oun i tsele morshenge dran Israel his mishto, te djan le khetne pash ko foro, te kourenn le pen kol menshentsa koy.

1. Samuel 14:45

I Israeleskre morsha penan ap o Saul: “Hounte merell o Yonatan, kay ko baro koova kras oun las o Israel vin? Kova krah mer gar! Pash o djido Debleste dah men sovel: Kek bal te perell tele leskro sherestar! O Devel his ap leskri rig, doleske nay kras yob kava dives sau baro kova.” Yaake lan i morsha o Yonatanes vin dran o merepen. Oun yob vas gar maredo.

1. Samuel 18:3

Oun o Yonatan oun o David dan pen sovel, te hi le mala. O Yonatan kamas les boudeder har peskro djipen,

1. Samuel 19:1

Oun o Saul rakras peskro čaveha oun peskre boudepangrentsa, te kamell lo o Davides te marell. O Yonatan, kay kamas o Davides o djiyestar,

1. Samuel 19:2

penas kova o Davideske oun penas: “Miro dad kamell tout te marell. Yaake khate tout taysarlakro oun rike tout khatemen.

1. Samuel 20:17

Oun o Yonatan mangas o Davides: “De tout kate sovel, te ačess miro maal.” O Yonatan kamas o Davides har peskro djipen.

1. Samuel 20:8

Yaake mangau tout: Ab lačes ap mande, tiro boudepaskro, oun rike tiro lab, hoy mer douy men glan o baro Debleste sovel dam, te ham mala. Me te anom doosh ap mande, palle de tou man moulo! Ma an man pash tiro dadeste!”

1. Samuel 22:8

Hoske čivan t'men palle lauter khetne khatar mande? Oun kek t'mendar penas mange, te das pes miro čavo oun o Isayeskro čavo sovel, te rikrenn le khetne. Kek t'mendar penas mange kolestar čomone, te hi miro čavo kova, kay miro boudepaskres, o Davides, ap mande pre anas, yaake te lell kova man kanna palla, har kova kava dives hi!”

1. Samuel 23:18

Oun yon douy dan pen sovel glan o baro Debleste, te ačenn le mala. Oun o David ačas an Horesha, oun o Yonatan djas pale khere.