1. Samuel 17:8 - O Debleskro Lab 2024 (Sinte-Manouche)

⁸ Oun o Goliat čivas pes koy tardo, oun das gole ap i lourdende dran o Israel, oun penas ap lende: “Hoske djan t'mer lauter vin oun čivan t'men tardo o marepaske? Me hom ko yek Filistari, oun t'mer lauter han či har o Sauleskre boudepangre. Rodenn yek morshes dran t'mende vin, te vell lo kay tele pash mande!

O Debleskro Drom 2021 (Sinte)

⁸ Un o Goliat tchiwas pes koi tardo, un das gole ap i lurdende dran o Israel, un penas ap lende: “Hoske djan tumer lauter win un tchiwan tumen tardo o marepaske? Me hom ko jek Filistari, un tumer lauter han tchi har o Sauleskre budepangre. Rodenn jek murshes dran tumende win, te well lo kai tele pash mande!

1. Samuel 17:8 Iomraidhean Croise

2. Samuel 11:11

Penas lo: “O Debleskro morhton, ninna i lourde dran Israel oun Youda hi an plarhtene khera. Oun o Yoab, miro pralstouno, oun tire lourde sovenn ap i phoub. Oun me djap an miro kheer, te rhap oun piyap, oun te vap pash miri romyate čiddo. Yaake čačo har kova hi, kay tou djiveh: Savo koova krau me gar.”

1. Familjakro liil 21:3

O Yoab penas ap leste: “Miro baro ray, kamau o djiyestar, te dell tout o baro Devel sheel kope yaake boud menshen koy pashel, har kay hi. Yon halauter kamenn touke koy te vell oun rikrenn ap toute. Hoske kameh tou, miro ray, savo koova te krell oun djinell, har boud kolla hi? Hoske kameh te aness i doosh ap Israel?”

1. Samuel 17:23

Oun har yob gomme lentsa rakras, vas ko baro marepaskro Goliat glan, ko Filistari dran Gat, oun čivas pes tardo, oun rakras pale kol laba, kolentsa yob o Israel praasas. Oun o David shounas kova.

1. Samuel 17:26

Kote penas o David ap kol morshende, kay koy tardo his: “Hoy lell kova, kay ko morshes kote marella oun i ladj i Israelendar pale krik lella? Hoy patsell ko Filistari, koon yob hi? Yob hi gar činlo ap peskro mass, oun patsell, te nay praasell lo i lourden ko djido Deblestar!”

1. Samuel 8:17

T'mare bakrendar lell lo hako deshto, oun t'mer hounte venn leskre boudepangre.