1. Samuel 17:7 - O Debleskro Lab 2024 (Sinte-Manouche)

⁷ Oun ko kotar kasht, hoy leskro vitsepaskro čouri rikrella, his yaake pesso har i tikno rouk, oun o saster glan ap o vitsepaskro čouri his yaake efta kilogramme pharo. Oun glan leste djas i lourdo, kay hidjras leskri sasterni bečeskri patri.

O Debleskro Drom 2021 (Sinte)

⁷ Un ko kotar kasht, hoi leskro witsepaskro tchuri rikrella, his jaake pesso har i tikno ruk, un o saster glan ap o witsepaskro tchuri his jaake efta kilogramme pharo. Un glan leste djas i lurdo, kai hidjras leskri sasterni betcheskri patri.

1. Samuel 17:7 Iomraidhean Croise

2. Samuel 21:16

Koy his mank i Filistarya i baro morsh, bareder har i vavar. Leskro lab his Yishbi-Benob. Koleskri lengsti čouri his boudeder har triin kilogramme pharo. Ninna his les i nevo rharo dran saster. Kova kamas o Davides moulo te dell.

2. Samuel 21:19

Pal kova vas pale i kourepen pash o foro Gob. Koy das o Elhanan, koleskro dad o Yayr his, dran o foro Betlehem o Goliates dran Gat moulo. Koles his i lengsto vitsepaskro čouri. Koya his yaake baro har i tikno rouk.

1. Familjakro liil 11:23

Yob maras ninna i morshes, i Egiptari. Kova his pral douy metarya baro. Oun les his o vitsepaskro čouri an o vast. Oun ko kotar kasht, hoy ko vitsepaskro čouri rikrella, his yaake pesso har i tikno rouk. O Benaya djas pash leste tele, i kasht an o vast, oun tserdas ko vitsepaskro čouri dran kol Egiptareskro vast, oun das les kolah tele čourye.

1. Familjakro liil 20:5

Pal kova vas pale i kourepen i Filistarentsa. Koy das o Elhanan, koleskro dad o Yayr his, o morshes Lami moulo. Kova hi i phraal o Goliatestar dran Gat. Koles his i lengsto vitsepaskro čouri. Oun ko kotar kasht, hoy ko vitsepaskro čouri rikrella, his yaake pesso har i tikno rouk.

1. Samuel 17:41

Oun o Goliat vas lokes pash o David. Glan leste djas ko lourdo, kay leskro sasterno bečeskri patri hidjrell.